29.12.2022 ж. / №32
Шымкент қаласы мәслихаттың
депутаттарын сайлау бойынша
аумақтық сайлау округтерін құру туралы
«Қазақстан Республикасындағы сайлау туралы» Конституциялық заңның 9-бабының 3-тармағына, 14-бабының 6) тармақшасына, 21-бабының 1-тармағына, 22-бабына сәйкес және «Сайланатын мәслихатттар депутаттарының санын айқындау туралы» Орталық сайлау комиссиясының 2020 жылғы 11 қыркүйектегі № 21/323 қаулысының негізінде Шымкент қалалық аумақтық сайлау комиссиясы ШЕШІМ ЕТТІ:
- Шымкент қаласының әкімшілік аумақтық шекараларында пропорционалды өкілдік жүйесі бойынша партиялық тізімдер негізінде Шымкент қаласы мәслихатының депутаттарын сайлау үшін округ құрылсын.
- Шымкент қаласы мәслихатының депутаттарын сайлау бойынша шешімге қосымшаға сәйкес шекараларда 16 бірмандаттық аумақтық сайлау округтері құрылсын.
- Шешім Шымкент қаласының мәслихатына жіберілсін.
- Осы шешім Шымкент қалалық аумақтық сайлау комиссиясының интернет-ресурсында және қаланың жергілікті газеттерінде орналастырылсын.
- Осы шешім 2023 жылғы 1 қаңтардан бастап қолданысқа енгізіледі.
Төраға Қ. Құнанбаев
Хатшы Ұ. Исабаева