І. 2020-2021 жылдардағы қаланың әлеуметтік-экономикалық дамуының негізгі тенденциялары
Экономиканы дамытудың сыртқы және ішкі шарттары
Мемлекет басшысының Қазақстан халқына жыл сайынғы Жолдауларында белгіленген міндеттерге сәйкес, мемлекеттік және үкіметтік бағдарламалардың іске асырылуымен, 2020-2021 жылдары жергілікті атқарушы органдардың жұмысы экономикалық өсуді және халықтың өмір сүру деңгейін арттыруды қамтамасыз етуге бағытталған.
2020 жылы бүкіл әлемде қалыптасқан жағдайға байланысты COVID-19 індетін таратпау жөніндегі қорғау шараларының қабылдауымен іскерлік белсенділіктің баяулауы белгіленіп, экономиканың біраз салаларына теріс әсерін тигізді.
Аса үлкен залал алған: сауда кәсіпорындары, әсіресе импорт пен экспортқа тәуелді кәсіпорындар, қызмет көрсету саласы, көлік, қоғамдық тамақтану, ойын-сауық салалары.
Аталған жағдай біздің өңірімізгеде өз әсерін тигізді. Шымкент қаласында 2020 жылдың қорытындысы бойынша өнеркәсіп өнімінің көлемі 670,5 млрд. теңгені, 2019 жылдың кезеңімен салыстырғанда нақты көлем индексі 99,1%-ды құрады.
Өнеркәсіп саласында үлесі 86,9%-ды құрайтын өңдеу өнеркәсібінде 583,1 млрд. теңгенің өнімі өндіріліп, НКИ – 98,7% болды.
Өңдеу өнеркәсібінің 28% құрайтын мұнай өңдеу өнімдерін өндіру көлемі 8,9% -ға төмендеп, 157,1 млрд. теңгені құрады. Мұнай өңдеу өнімдерін өндіру көлемінің төмендеуіне мұнай өңдеуші «Петро Қазақстан Ойл Продактс» (ПКОП) ЖШС-ның өндіріс көлемінің кемуі әсерін тигізді. Карантин режиміне байланысты мұнай өнімдерін тұтыну көлемі 40 %-ға дейін, ал авиакеросин бойынша 70 %-ға дейін төмендеген. Сондықтан, «ҚазМұнайГаз» ҰК» АҚ мұнай өңдеуші кәсіпорындарының өндіріс жоспарларын қайта қарап, «ПКОП» ЖШС-на өңделетін мұнай көлемі төмендетілді.
Сонымен қатар, COVID-19 пандемиясы салдарынан экспорттың шектелуі және тұтыну нарығының тарылуы өңдеу өнеркәсібі тауарларына деген сұранысты азайтты. Атап айтқанда тоқыма өндірісі – 25,8%-ға, химия өнеркәсібі – 38,2%-ға, сусындар – 11,7 %-ға төмендеді.