Бүгінгі таңда Шымкент қаласынан тікелей ұшатын ішкі рейстер саны – 12 (Астана, Алматы, Ақтау Атырау, Көкшетау, Жезқазған,Өскемен, Орал, Қостанай, Ақтөбе, Петропавл, Семей), халықаралық рейс – 5 (Ресей (Мәскеу), Түркия (Ыстамбұл, Анталья), Біріккен Араб Әмірліктері (Медина, Дубай), Грузия (Кутаиси) қызмет көрсетуде.
Жоспарға сәйкес жыл соңына дейін халықаралық әуежайдың жаңа терминалы іске қосылған уақытта Қытай Халық Республикасының 3 қаласы Пекин, Сиань, Санья және Еуропаның 3 қаласы Будапешт, Прагажәне Мюнхенге жаңа халықаралық рейстер ашылады.
Бұл жаңа рейстер қалаға жаңа туристердің келуіне мүмкіндік туғызып, Шымкенттің туристік әлеуетін арттыруға септігін тигізеді.
Сонымен қатар, жаңа әуежай терминалында және жаңа темір жол вокзалында туристік ақпарттық «дүңгіршек» орнатылады. Дүңгіршектің негізгі мақсаты – қаламызға келген қонақтарды туристік маршруттармен таныстыру, тасымалдау, орналастыру орындарын брондау қызметін көрсету және қалада өтетін туристік іс-шараларды жарнамалау.