ҚОЛЖЕТІМДІ БАСПАНА: ШЫМКЕНТТЕ ТАҒЫ 40 ОТБАСЫ ПӘТЕР КІЛТІНЕ ИЕ БОЛДЫ
🔷 Бүгін Шымкент қаласында кезекті 40 отбасы жаңа пәтерлердің кілтін алды. Бұл – жай ғана статистикалық көрсеткіш емес, нақты нәтижені білдіретін маңызды оқиға. Пәтер кілттерін табыстау рәсіміне қала әкімі Ғабит Сыздықбеков қатысты.
🔷 Көп пәтерлі үйлер Асар-2 шағынауданында орналасқан. Пәтерлер «Отбасы банк» АҚ-ның «2-10-20» және «5-10-20» жеңілдетілген кредиттік бағдарламалары аясында төлем қабілеттілігін растаған азаматтарға беріліп отыр.
🔷 Баспанаға ие болғандардың қатарында көп балалы және толық емес отбасылар, мүгедектігі бар азаматтар, ерекше балаларды тәрбиелеп отырған отбасылар, сондай-ақ, бюджет ұйымдарының қызметкерлері бар.
🔷 Тұрғын үйлер белгіленген құрылыс нормалары мен сапа талаптарына сәйкес келеді.
🔷 Айта кетейік, Шымкентте бұл бағыттағы жұмыстар Мемлекет басшысының тапсырмалары аясында жүзеге асырылуда. Жоба баспана қолжетімділігін арттыруға және халықтың өмір сүру сапасын жақсартуға бағытталған.
Шымкент қаласы әкімінің баспасөз қызметі
