Құрметті Шымкент қаласының тұрғындары!
Сіздердің назарларыңызға ҚР Экология, геология және табиғи ресурстар министрлігінің «Қазгидромет» Республикалық мемлекеттік кәсіпорны атмосфералық ауа сапасының мониторингі нәтижесін жариялап отыратын «AirKZ» мобильдік қосымшасын әзірлегені туралы пайдалы ақпаратты жеткіземіз.
Жаңартылған «AirKZ» мобильдік қосымшасы 2020 жылдың 16 наурызынан бастап пайдаланымда, онда жаңа градация қолданылады, елді мекендер карта бойынша қолжетімді, әрбір бақылау бекеті ластануға сәйкес түске боялған, заттардың өлшем бірлігі мг/м3-дан мкг/м3-ға ауыстырылған.
Бағдарламаны iOS және Android-та жүктеп алуға болады. Қазақстанның тұрғындары мен қонақтары еліміздің кез келген жерінде атмосфералық ауаның сапасы туралы біле алады. Мобильді қосымша картасында барлығы 46 елді мекен бар, оның ішінде: Шымкент қаласы, Түркістан қаласы, Кентау қаласы.
Пайдаланушы қажетті бекетті қолмен немесе геолокация деректері арқылы ең жақын орналасқан бақылау бекетін автоматты түрде таңдай алады. Қосымша таңдалған бекеттен алынған деректер бойынша ауадағы ластаушы заттар концентрациясының негізгі көрсеткіштерін көрсетеді (жинақтауға байланысты):
- азот диоксиді (NO2);
- азот оксиді (NO);
- РМ10 қалқыма бөлшектері;
- РР2.5 қалқыма бөлшектері;
- күкірт диоксиді (SO2);
- күкірт сутегі (H2S);
- көміртегі оксиді (CO).
Деректер сағат сайын жаңартылады. Мониторинг мәліметтерінен басқа, «AirKZ»-да әрбір заттың сипаттамасы және оның адам денсаулығына әсері туралы деректер бар. Сондай-ақ, қосымшада соңғы 24 сағат ішінде шоғырланудың өзгеру динамикасы туралы ақпаратта қолжетімді.