Цифрландыру және цифрлық инфрақұрылым бөлімінің міндетіне Қазақстан Республикасы заңнамасына сәйкес ақпараттандыру саласында бірыңғай саясатты іске асыруды, «Цифрлық Қазақстан» мемлекеттік бағдарламасының жүзеге асырылуын қамтамасыз ету, «Ақылды» қалаларды құруға әдістемелік ұсынымдарға (Қазақстан Республикасының «ақылды» қалаларының эталондық стандартына) сәйкес өмір сүру салаларында цифрландыру жобаларының енуінне мониторинг жасау жатады.
Ағымдағы жылы мемлекеттік бағдарлама аясында «Smart city» компоненттерін енгізу үшін келесі жобаларды іске асыру көзделіп отыр:
- «103» Жедел медициналық қызметін жаңғырту»;
- «Кешенді медициналық ақпараттық жүйені енгізу»;
- Интелектуалды бейнебақылау жүйесі;
- Қоғамдық көліктерде электрондық билет беру жүйесі;
- Қала аумағында бірыңғай тұрақ кеңістігін енгізу;
- Әлеуметтік нысандардағы есептеуіш құралдарына IoT элементтерін енгізу;
- Көпқабатты тұрғын үйлердегі есептеуіш құралдарына IoT элементтерін енгізу;
- Жарықтандыруды басқару жүйесін енгізу;
- Қатты тұрмыстық қалдықтарды шығаруды диспетчерлендіру;
- «109» мониторинг және ден қою қызметін енгізу;
- «Ақылды күнбағыс» ақпараттық-танымдық кешені;
- Әкімдіктің ақпараттық жүйелеріндегі мәліметтердің бірыңғай қорын жасау;
- Халықтың цифрлық сауаттылық деңгейін арттыру курстарын өткізу.