Шымкент қаласының әлеуметтік-экономикалық дамуының
2021 жылғы қаңтар-шілде айларының қорытындысы
Қала аумағының көлемі 1,2 мың шаршы км. құрайды.
2021 жылдың 1 шілдеге қала халқы 1 096,6 мың адамды құрады. Қала қалалық маңызы бар 4 ауданнан тұрады. Ұлттық құрамы: қазақтар – 67,5%, өзбектер - 17,7%, орыстар – 8,9%, басқалары – 5,9%.
Өнеркәсіп өнімінің көлемі 416,6 млрд.теңгені құрады. Нақты көлем индексі 2020 жылдың сәйкес кезеңіне 106,2%.
Қазақстан Республикасын индустриялық-инновациялық дамытудың 2020-2024 жылдарға арналған мемлекеттiк бағдарламасының өңірлік кәсіпкерлікті қолдау картасы аясында 2021 жылы жалпы құны 50,4 млрд. теңгеге 21 жоба жүзеге асырылып, 1 299 жаңа жұмыс орнын ашу жоспарлануда.
Ауыл шаруашылық өнімінің көлемі 3% - ға артып, 21,6 млрд. теңгені құрады.
Жұмыс істеп тұрған ШОБ субъектілерінің саны 69,5 мың бірлікті немесе 2020 жылдың сәйкес кезеңіне 97,9% құрады.
Негізгі капиталға салынған инвестиция көлемі 162,9 млрд. теңгені немесе 22,8% артық.
Құрылыс жұмыстарының көлемі 61,0 млрд. теңгені құрады (114,6%), 323,5 мың шаршы метр тұрғын үй пайдалануға берілді немесе 107,9%.
Инвестиция және құрылыс жұмыстарының өсімі «ПКОП» ЖШС–н қайта құру, «Hevel Kaзахстан» ЖШС-мен күн электрстанциясының, жол айрығы, тұрғын үй құрылысы, жеке және бюджет есебінен асырылып жатқан инвестициялық жобалар, «Жұмыспен қамту жол картасын» іске асыру есебінен болды.
Бөлшек сауда көлемі 240,0 млрд.теңгені құрап, нақты көлем индексі 2020 жылдың сәйкес кезеңіне 109,9%.
Жұмыссыздық деңгейі 5,1% құрады (2021ж. 2 тоқсаны). Жұмыс күшінен өз бетінше жұмыспен қамтылған халық 29,3% құрады (127,4 мың адам).
Орташа айлық жалақы 2021 жылдың 2 тоқсанына 23,7% - ға артып, 203,1 мың теңгені құрады.
Инфляция 2021 жылдың шілде айын 2020 жылдың желтоқсан айымен салыстырғанда 105,4% құрады, оның ішінде азық – түлік тауарларына – 107,5%, азық – түлік емес тауарларына – 104,4% және ақылы қызметтерге -103,7%.
Тұрғын үй-коммуналдық шаруашылық саласы. Сапалы сумен қамтамасыз ету 95,6%, газбен жабдықтау 92,2%, электрмен қамтамасыз ету 95%, кәріз желілері 52,3%, жылумен жабдықтау
100% құрайды.