Тамақтандыру индустриясы және сервис колледжінде студент қыздарға арналған репродуктивті денсаулықты сақтау бойынша гинеколог дәрігердің жасырын консультациясы өткізілді.
Іс-шараның басты мақсаты – жасөспірімдердің репродуктивті денсаулық жөніндегі білімін арттыру, оларды дұрыс әрі нақты ақпаратпен қамтамасыз ету және салауатты өмір салтының маңыздылығын түсіндіру болды.
Кездесу барысында қатысушыларға репродуктивті жүйенің қызметі, ерте жүктіліктің алдын алу, жеке бас гигиенасын сақтау, сондай-ақ жыныстық жолмен берілетін аурулардың алдын алу тақырыптарында түсіндірме жұмыстар жүргізілді.