Шымкент қаласындағы «Самал» базарында онкологиялық аурулардың алдын алу және оларды ерте кезеңде анықтау мәселелеріне жұртшылық назарын аудару мақсатында кең ауқымды ақпараттық науқан ұйымдастырылды.
Іс-шараға онколог-дәрігерлер қатысып, базар аумағында жүрген 100-ден аса тұрғынмен тікелей жүздесіп, профилактикалық түсіндіру жұмыстарын жүргізді. Науқан барысында азаматтарға қатерлі ісіктердің алғашқы белгілерін дер кезінде анықтау, ерте диагностикадан өту және скринингтік тексерулердің маңыздылығы туралы жан-жақты ақпарат берілді.