Қала тұрғындарына онкологиялық аурулардың алдын алу және ерте анықтау мәселелері бойынша халық көп шоғырланған орындарда ақпараттық науқан ұйымдастырылды. Іс-шараның негізгі мақсаты – қоғамның онкологиялық аурулардың алдын алу және ерте кезеңде анықтау мәселелеріне назарын аудару. Тұрғындарды уақытылы скринингтік тексерулерден өтуге ынталандыру, денсаулықтарын сақтау және салауатты өмір салтын ұстанудың маңыздылығын түсіндіру болды.
Науқан барысында түрлі жас ерекшеліктері бар тұрғындарға, соның ішінде жастар мен қарт адамдарға арналған арнайы кеңестер ұсынылды. Салауатты өмір салтын ұстану, дұрыс тамақтану, белсенді физикалық жаттығулар жасау және стрессті басқару әдістері туралы ақпараттар берілді.