Шымкент қаласының BEREKE сауда орталығында қала тұрғындарына онкологиялық аурулардың алдын алу және ерте анықтау мәселелері бойынша ақпараттық науқан өткізілді. Іс-шараның негізгі мақсаты – тұрғындардың өмір сүру сапасын жақсарту, скринингтік тексерулердің маңыздылығын түсіндіру және онкологиялық аурулардың алдын алу бойынша халықтың ақпараттық деңгейін арттыру.
Науқан барысында онколог дәрігерлер тұрғындарға онкологиялық аурулардың алғашқы белгілері мен ерте диагностика жүргізудің маңыздылығы туралы түсіндіріп, скринингтік тексерулердің тиімділігіне назар аударды. Сонымен қатар, тұрғындарды тексерулерге қатысуға шақырып, денсаулықты сақтау және өмір сүру сапасын арттыруға бағытталған кеңестер ұсынылды.