Абай ауданының аумағы 49 704 гектар, халық саны 322 911 адамды құрайды. Аудан аумағында 34 шағын аудандар мен елді мекендер орналасқан.
2019 жылғы 2 қыркүйекте Қазақстан Республикасы Президенті Қ.К.Тоқаевтың халыққа арнаған «Сындарлы қоғамдық диалог - Қазақстанның тұрақтылығы мен өркендеуінің негізі» атты жолдауы жарияланды. Аталған жолдауда Президентіміз еліміздің дамуының 5 негізгі бағытын (тұжырымдамасын) анықтап берді.
Қоғамдық диалог, ашықтық, адамдардың мұң-мұқтажына жедел назар аудару мемлекеттік органдар қызметінің негізгі басымдықтары болып саналады.
Халықпен тиімді кері байланыс орнату мақсатында күнделікті жеке қабылдаулары, «НұрОтан» партиясында қоғамдық қабылдаулар және БАҚ өкілдерімен брифингтер өткізілді. Сонымен қатар, аудан әкімі аппаратының әлеуметтік желілері тұрақты түрде жұмыс жасайды.
Осы орайда 2019 жылы аудан әкімі мен оның орынбасарларының жеке қабылдауына 399 азамат жазылып, көтерілген мәселелердің себептері талқыланып, шешу жолдары қарастырылып, арыз иелеріне уақтылы жауаптар берілді.
Сондай-ақ, аудан әкімінің аппаратына 3 228 кіріс құжаттары түсіп, 3003 құжат жолданды, жеке және заңды тұлғалардан 445 жазбаша өтініштер тіркеліп, Заңға сәйкес қаралып, жауап берілді.