Шекарашылар көлік құралдарын шекара арқылы заңсыз өткізудің жолын кесті

2020 жылғы 14 шілдеде шекарашылар көлік құралдарын заңсыз өткізу әрекетінің алдын алды.

«Айша бибі»  өткізу пунктінде Тәжікстан мен Қырғызстанға кетіп бара жатқан халық тұтынатын тауарлары артылған 2 жүк автомашинасы толық тексерілді, онда жүктің арасына ілеспе құжаттары жоқ 13 мотоцикл және 2 квадроцикл жасырылған болып шықты.

Ұсталған мототехника партиясы Жамбыл облысы бойынша Экономикалық тергеу департаментіне тапсырылды.

Осы айдың басынан бастап көлік құралдарын Қазақстан-Қырғызстан Мемлекеттік шекарасы арқылы заңсыз өткізудің бұл бірінші әрекеті емес екенін атап өту керек.

ҰҚК баспасөз қызметі