Режимдік шектеулердің қолданысы тоқтатыла тұратын Каспий теңізі жағалауындағы учаскелерді белгілеу туралы

«Қазақстан Республикасының Мемлекеттік шекарасы туралы»
2013 жылғы 16 қаңтардағы Қазақстан Республикасының Заңы 48-бабының
6-тармағына сәйкес БҰЙЫРАМЫН:

  1. 2020 жылғы 30 қыркүйекке дейін теңіз экономикалық қызмет аудандарын (теңіз порттары, су тәрізді арналар, газ терминалдары,
    теңіз дәліздері, фарватерлер т.б.) қоспағанда, Сағындық мүйісінен бастап Ракушечный мүйісіне дейін Каспий теңізінің қазақстандық секторында режимдік шектеулердің қолданысы тоқтатылсын.

Аталған мерзімде жеке және заңды тұлғалар демалыс, туризм және спорт үшін пайдаланатын қазақстандық шағын көлемді өздігінен жүзетін және өздігімен жүзбейтін (су үсті және су асты) кемелерге (құралдарға) теңізге
бір теңіз милясына (1852 метр) дейін қашықтыққа еркін шығуға рұқсат етілсін.

  1. Қазақстан Республикасы Ұлттық қауіпсіздік комитетінің Шекара қызметі заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Ұлттық қауіпсіздік комитетінің интернет-ресурсында орналастыруды қамтамасыз етсін.

  1. Осы бұйрықтың орындалуын бақылау Қазақстан Республикасы Ұлтық қауіпсіздік комитеті Төрағасының орынбасары – Шекара қызметінің директорына жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Комитет Төрағасы

ұлттық қауіпсіздік генерал-лейтенанты

 

К. Мәсімов



Дата публикации
30 июня 2020