Жылжымайтын мүліктің бірыңғай мемлекеттік кадастры жаңа мемлекеттік координаттар жүйесі QazTRF-23-ке көшеді. Сол себепті демалыс және мереке күндері, 2026 жылғы 23 қазан сағат 19:00-ден 27 қазан сағат 00:00-ге дейін ЖМБМК мен Жария кадастрлық картасында техникалық жұмыстар жүргізіледі.
Технологиялар дамыған сайын координаттарды анықтау тәсілдері де жаңаруды қажет етеді. Бұрын координаттар спутниктік технологиялар пайда болмай тұрып жасалған әдістермен анықталса, бүгінде заманауи технологиялар бұл жұмысты дәлірек орындауға мүмкіндік береді. Жаңа координаттар жүйесіне көшу – әлемдік тәжірибе және Қазақстан да осы бағытта жұмыс жүргізіп жатыр. Осыған байланысты мемлекеттік ақпараттық жүйелердегі кеңістіктік деректер, цифрлық карталар мен сервистер жаңа координаттар жүйесіне көшіріледі.
QazTRF-23 – ескірген геодезиялық жүйелердің орнына іске қосылған заманауи әрі ашық мемлекеттік координаттар жүйесі. Оның көмегімен Қазақстан аумағындағы жер учаскесінің, ғимараттың, жолдың немесе басқа да обьектінің орналасқан жері анықталады.
Аталған күндер аралығында жер кадастрына, жылжымайтын мүлікті техникалық тексеруге және жылжымайтын мүлікке құқықтарды тіркеуге қатысты мемлекеттік қызметтерге өтініш қабылданбайтынын ескерген жөн. Бұл ретте, жылжымайтын мүлікке құқықтарды тіркеу саласындағы электрондық анықтамаларды цифрлық сервистер арқылы алу мүмкіндігі сақталады.
Алдағы өзгерістерге байланысты «Азаматтарға арналған үкімет» Мемлекеттік корпорациясы азаматтар мен ұйымдарға қажетті мемлекеттік қызметтерді алуды алдын ала жоспарлауды ұсынады. Техникалық жұмыстар аяқталғаннан кейін цифрлық сервистер әдеттегі тәртіпте жұмысын жалғастырады.
"Азаматтарға арналған үкімет" мемлекеттік корпорациясы " КЕАҚ
Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығына сәйкес, облыстың барлық деңгейдегі әкімдерінің 2026 жылға арналған халықпен кездесулерінің икемді күнтізбесі әзірленді, оған сәйкес 2026 жылғы 30 қазанда сағат 16.00-де Шахан кентінің мәдениет үйінде Шахтинск қаласының әкімі Қыдырғанбеков Мұрат Есетұлының Шахан кентінің тұрғындарымен кездесуі өтеді.
Қала әкіміне жеке сұрақ немесе шағым беруге ниет білдірген барлық адамдар үшін кездесу аяқталғаннан кейін тікелей азаматтарды қабылдау ұйымдастырылады. Қабылдауға алдын ала жазылу Шахан кентінің әкімі аппаратының қабылдау бөлмесінде және 32417 телефоны бойынша жүргізіледі.
Сонымен қатар, арнайы орнатылған жәшіктер немесе «жедел желі» телефоны арқылы қала әкіміне өз ұсыныстарыңызды білдіріп, сұрақтарыңызды қоюға болады.
Шахтинск қаласы әкімінің аппараты
|
Елді мекен |
Жәшіктердің орналастырылған жері |
Мекенжайы |
«Жедел желі» телефоны |
|
Шахан кенті |
Шахан кенті әкімінің аппараты |
Шаханская көшесі, 11 |
32417 |
|
Кентттің МҮ |
Кенесары Қасымұлы көшесі, 1/1 |
||
|
Кенттің отбасылық денсаулық орталығы |
15 квартал |
||
|
Кенттің пошта байланысы бөлімшесі |
Шаханская көшесі |
Қазақстанда алғашқы республикалық «Кітап оқитын ұлт» кітап оқу марафонына тіркелу басталды. Жоба еліміздің барлық өңірінен қатысушыларды біріктіріп, кітап оқуды насихаттау мен оқу мәдениетін дамытуға бағытталған ең ауқымды ұлттық бастамалардың біріне айналмақ.
Марафон 2026 жылғы қыркүйек айынан 2027 жылғы сәуірге дейін қазақ және орыс тілдеріндегі екі лигада өтеді. Жоба 7 бағытты қамтиды:
- «Кітап оқитын мектеп» — 6–10 сынып оқушылары;
- «Кітап оқитын колледж» — колледж студенттері;
- «Кітап оқитын университет» — жоғары оқу орындарының студенттері;
- «Кітап оқитын педагог» — мектеп мұғалімдері мен колледж оқытушылары;
- «Кітап оқитын әулет» — отбасылық командалар;
- «Кітап оқитын мемлекеттік қызметші» — мемлекеттік қызметшілер;
- «Кітап оқитын зияткер» — жасына және қызмет саласына шектеу қойылмайтын барлық азаматтар.
Әр қатысушы өз бағыты бойынша арнайы іріктелген 330 кітаптан тұратын қордан 15 кітап оқуы қажет. Оның 165-і қазақ тілінде, 165-і орыс тілінде ұсынылған. Кітаптар тізіміне отандық авторлардың шығармалары, әлем классикасы және заманауи туындылар енді. Тізімді жасақтау кезінде жалпыұлттық дауыс беру қорытындысы бойынша «100 кітап» тізіміне енген шығармалар, сондай-ақ әдебиет саласындағы Нобель сыйлығының лауреаттары жазған туындыларды қоса алғанда, әлемдік бестселлерлер де ескерілді.
Негізгі оқу кезеңі биыл қыркүйек айында басталып, 2027 жылғы наурызға дейін жалғасады. Осы уақытта қатысушылар кітаптарды оқып, жеке кабинетінде пікірлерін жариялап отырады. Ал 2027 жылғы наурыз–сәуір айларында қорытынды тестілеу мен зияткерлік квиздер өткізіледі.
Өңірлік кезеңдердің жеңімпаздары мен жүлдегерлеріне ақшалай сыйлықтар табысталады: 1-орын — 600 000 теңге; 2-орын — 450 000 теңге; 3-орын — 300 000 теңге.
Барлық финалист дипломдармен және электронды сертификаттармен марапатталады.
«Кітап оқитын ұлт – Читающая нация» қоғамдық қорының төрағасы Бақытжан Тұрлыбековтің айтуынша, жобаның негізгі мақсаты байқаудың өзімен ғана шектелмейді.
«Бүгін біз «Кітап оқитын ұлт» алғашқы республикалық марафонына тіркелуді ашып, осылайша жасы, мамандығы мен қызығушылығы әртүрлі адамдарды кітап төңірегіне біріктіретін үлкен жалпыұлттық қозғалысқа жол ашып отырмыз.
Баршаңызды марафонға қатысуға шақырамын. Бірлесе отырып, кітап оқуды Қазақстандағы заманауи өмірдің маңызды құрамдас бөлігіне айналдыра аламыз деп сенемін. Сондай-ақ зерделі ұлттың — қуатты, білімді әрі ойлайтын ұлт екенін көрсете аламыз», — деді Бақытжан Тұрлыбеков.
Қатысу ережелері, бағыттар бойынша регламенттер және кітаптар тізімі жобаның ресми сайтында жарияланған: www.reading-nation.kz
Республикалық «Кітап оқитын ұлт» марафонын жүзеге асыруға жобаның бірқатар маңызды серіктестері де атсалысуда. Қазақстан Жазушылар одағы, Креативті индустрияларды дамыту қоры, KITAP және «Яндекс Кітаптар» цифрлық платформалары оқу мәдениетін дамытуға, заманауи әдеби бастамаларды қолдауға және оқырмандардың кітаппен өзара байланысуына жаңа мүмкіндіктер жасауға ықпал етпек.
Жоба Қазақстан Республикасы Мәдениет және ақпарат министрлігінің қолдауымен жүзеге асырылуда.
Сіздерді Ұстаздар күнімен құттықтаймын!
Еңбектеріңіз, даналықтарыңыз және өскелең ұрпақты тәрбиелеу мен білім беруге қосқан үлестеріңіз үшін алғыс айтамын. Сіздерге амандық, құрмет, шабыт және жұмыстарыңызға табыс тілеймін!
Шахтинск қаласының әкімі Қыдырғанбеков М.
Адрестік әлеуметтік көмек (ӘӘК) — бұл қиын өмірлік жағдайға тап болған отбасыларға уақытша көмек көрсетуге және олардың кедейлік жағдайынан шығуына ынталандыруға бағытталған мемлекеттік қолдау құралы.
1. ӘӘК тағайындауға кімнің құқығы бар?
Көмек алуға жан басына шаққандағы орташа табысы белгіленген кедейлік шегінен төмен азаматтардың құқығы бар.
Анықтама үшін: Кедейлік шегі тоқсан сайында анықталады. III тоқсан бойынша Қарағанды облысында ол бір адамға 45 369 теңгені құрайды.
2. Төленетін көмек түрлері
ҚР заңнамасына сәйкес, ӘӘК екі түрге бөлінеді:
Шартсыз көмек: Объективті себептер бойынша жұмыс істей алмайтын тұлғалары бар (мүгедектер, балалар, зейнеткерлер, 3 жасқа дейінгі балалары бар көпбалалы аналар және т.б.) отбасыларға төленеді. Бұл сома отбасының базалық қажеттіліктерін қанағаттандыруға бағытталады.
Шартты көмек: Отбасының еңбекке қабілетті мүшелеріне белгілі бір міндеттемелерді орындау шартымен төленеді.
3. Алушылардың міндеттемелері (Шартты көмек)
Мемлекет көмекті жай ғана жәрдемақы ретінде емес, дамуға деген ынталандыру ретінде ұсынады. Отбасының еңбекке қабілетті мүшелері мыналарды орындауға міндетті:
Кәсіптік оқыту немесе қайта даярлау курстарынан өту.
Жұмысқа орналасу немесе жұмыспен қамтудың белсенді шараларына қатысу.
Балалардың білім беру мекемелеріне қатысуын қамтамасыз ету.
Маңызды: Отбасының еңбекке қабілетті мүшесі жұмыспен қамту шараларына қатысудан жүйелі түрде бас тартқан жағдайда, шартты көмекті төлеу сол тұлға үшін де, бүкіл отбасы үшін де тоқтатылады.
4. Балаларға қосымша қолдау
ӘӘК алушы отбасылар үшін 1 жастан 6 жасқа дейінгі балаларға ай сайын қосымша төлем қарастырылған. Төлем мөлшері әр балаға 1,5 АЕК-ті құрайды.
5. Тіркеуге қойылатын талаптар
Өтініш берушінің тұрғылықты жері бойынша тіркеуі болуы тиіс. Тұрақты тіркеуі болмаған жағдайда, өтініш берген күнге дейінгі соңғы 6 айдағы уақытша болу жері бойынша тіркеуі қабылданады.
6. Өтініш беру тәсілдері
Азаматтарға ыңғайлы болу үшін өтінім берудің үш форматы енгізілді:
Цифрлық: egov.kz порталы арқылы (ЭЦП қажет).
Проактивті: SMS арқылы қызметті автоматты түрде ұсыну (мобильді азаматтар базасында нөмірі болған және учаскелік комиссияның келуіне келісім берген жағдайда).
Ұсыныс:
ӘӘК тағайындаудан бас тарту тәуекелдерін азайту мақсатында, өтініш бермес бұрын әкім аппаратына алдын ала кеңес алуды ұсынамыз. Мамандар сіздің критерийлерге сәйкестігіңізге экспресс-талдау жүргізеді.
Байланыс мәліметтері:
«Шахан ауылы әкімінің аппараты» ММ
Тел: 8 (72156) 32-417
Ағымдағы жылдың тамыз айында "Шахан кенті әкімінің аппараты" ММ қызметкерлері арасында сыбайлас жемқорлыққа қарсы бағыттағы бейнеролик көрсетілді:
Мемлекет басшысының тапсырмасы бойынша заңсыз сатып алынған активтерді қайтару маңызды сәттердің бірі болды. Қайтарылған қаражат есебінен еліміздің барлық өңірлерінде азаматтардың игілігі үшін жұмыс істейтін 617,7 миллиард теңге сомасына 466 әлеуметтік, коммуналдық және инфрақұрылымдық нысандар (мектептер, ауруханалар, стадиондар, сумен жабдықтау және су бұру объектілері, балабақшалар және т.б.) салынуда.
«Шахан кенті әкімдігі аппараты» ММ қызметкерлері үшін сыбайлас жемқорлықтың алдын алу, қызметтік әдеп нормаларын сақтау және мемлекеттік қызметтегі адалдық қағидаттарын нығайту мәселелеріне арналған ақпараттық-тәжірибелік семинар өтті.Іс-шара Шахтинск қаласының ішкі саясат бөлімінің сыбайлас жемқорлыққа қарсы мәдениетті қалыптастыруға, құқықтық сауаттылықты арттыруға және мемлекеттік органдар қызметіндегі ашықтық, айқындық пен жауапкершілік қағидаттарын дамытуға бағытталған жобасы аясында ұйымдастырылды.Іс-шараның спикері ретінде Қарағанды облысы бойынша Қазақстан Республикасы Мемлекеттік қызмет істері агенттігі департаменті жанындағы сыбайлас жемқорлыққа қарсы ақпараттық-ағартушылық пулдың мүшесі Сулейменова Алтынай Ислямовна сөз сөйледі.Семинарға Шахан кентінің әкімі Өмірбеков Ғалым Алдыбайұлы қатысты. Кездесу барысында қызметтік әдеп талаптарын сақтау, мемлекеттік органдар жұмысының тиімділігін арттыру және әрбір қызметкердің кәсіби қызметінде адалдық, әділдік пен жауапкершілік қағидаттарын нығайтудағы рөлі талқыланды.
2026 жылдың сәуір айында «Шахан кенті әкімінің аппараты» ММ-де кент ұйымдарының басшыларымен сыбайлас жемқорлыққа қарсы бағыттағы ақпараттық-түсіндіру жұмыстары бойынша кеңес өткізілді: сыбайлас жемқорлық ұғымын түсіндіру, азаматтардың сыбайлас жемқорлық көріністеріне тап болған жағдайда әрекет ету тәртібі, сондай-ақ осындай фактілерге жәрдемдескені үшін жауапкершілік түсіндірілді.