2023 жылдың 3 мамырында Абай облысы әкімі Нұрлан Ұранхаевтың төрағалығымен облыстың әлеуметтік-экономикалық даму тұралы кеңейтілген отырыс өтті.
Кеңеске облыс мәслихатының депутаттары, облыс басшылығы, қалалар мен аудандардың әкімдері, жастар мәслихатының депутаттары, департаменттер мен басқармалардың басшылары, ауылдық округтердің әкімдері, қалалар мен аудандардың депутаттары мен Қоғамдық кеңестерінің мүшелері, құқық қорғау органдарының өкілдері, облыстың Қоғамдық кеңесінің мүшелері, сондай-ақ БАҚ өкілдері қатысты.
Біздің басты мақсатымыз - халықтың өмір сүру сапасын жақсарту, табыстарын арттыру. Осы мақсатта облысымызда жылу, су, байланыс, жол, абаттандыру және инфрақұрылымдық даму мәселелерін шешу үшін атқарылып жатқан жұмыстар және жоспарланған шаралар жөнінде есеп берілді.
Өңіріміздің әлеуметтік-экономикалық дамуы тек әкімдердің ғана емес, барлық денгейдегі мәслихат депутаттарының, қоғамдық кеңес мүшелерінің де атқаратын жұмысының бір бөлігі екенін атап өтті аймақ басшысы.