№5 Хаттама Семей қаласының Қоғамдық кеңесінің отырысы

№5 Хаттама Семей қаласының Қоғамдық кеңесінің отырысы

Семей қ.                                                                  28  қараша  2025 ж                      Абай даңғылы, 97, 8-қабат, мәжіліс залы     сағат 16:00

Төраға: Алтынбекова Г.К., Семей қаласының Қоғамдық кеңесінің төрағасы.

Хатшы: :  Жакиянова Г. Ж., Семей қаласының Қоғамдық кеңесінің мүшесі.

Қатысқандар: Қоғамдық кеңес мүшелері, Абай облысының Денсаулық сақтау басқармасының басшысы, Абай облысының Қаржы басқармасы басшысының орынбасары, Семей қаласының білім бөлімі маманы «Жамиля» мекемесінің директоры, қаланың қоғамдық белсенділері және БАҚ өкілдері.

КҮН ТӘРТІБІ:

  1. Абай облысының Денсаулық сақтау басқармасы басшысының және Семей қаласы білім бөлімі маманының мекемелердегі тамақтануды ұйымдастыру туралы есебін тыңдау.
  2. «Жамиля» мекемесі ұжымының медициналық мекеме ғимаратын сақтап қалу жөніндегі өтінішін қарау.
  3. Денсаулық сақтау және білім беру мекемелеріндегі тамақтануды ұйымдастыру туралы есепті тыңдау

Баяндамашылар: тиісті мекемелердің басшылары мен мамандары.

- Қоғамдық кеңес бірқатар денсаулық сақтау және білім беру мекемелерінде тамақ сапасына және санитарлық талаптардың сақталуына қатысты азаматтар тарапынан бірнеше рет шағымдар түскенін атап өтті.

- Тамақтануды ұйымдастыруды жақсарту, СанПиН талаптарының орындалуын қамтамасыз ету және мәзірдің әртараптандырылуын арттыру мәселелері қарастырылды.

ТАЛҚЫЛАЙ КЕЛІП, ШЕШІМ ҚАБЫЛДАДЫ:

  1. Денсаулық сақтау және білім беру мекемелерінің тамақтануды ұйымдастыру туралы есебін назарға алу.
  2. Мекеме басшыларына азаматтардың шағымдарына жедел әрекет етуді, тамақтың сапасы мен алуандылығын арттыруды, санитарлық-эпидемиологиялық нормалардың орындалуын қамтамасыз етуді ұсыну.
  3. Семей қаласының санитарлық-эпидемиологиялық бақылау басқармасына ұйымдармен бірлесіп тұрақты тексерістер жүргізіп, анықталған бұзушылықтарды жою нәтижелері туралы Қоғамдық кеңеске ақпарат беруді жүктеу.
  4. Осы шешімнің орындалуына бақылауды әлеуметтік саясат жөніндегі комиссияға және экономикалық саясат пен кәсіпкерлікті дамыту саласындағы азаматтық-құқықтық қатынастарды қорғау жөніндегі комиссияға жүктеу.
  5. «Жамиля» мекемесі ұжымының медициналық мекеме ғимаратын сақтап қалу туралы өтінішін қарау

Баяндамашылар: «Жамиля» мекемесінің өкілдері, Денсаулық сақтау басқармасы және Абай облысы Қаржы басқармасының өкілдері.

- Ұжым өтінішінде мекеменің көп жылдық жұмысы, емделген пациенттер саны, әлеуметтік маңызы, мемлекеттік бағдарламаларды іске асыруға және медицина кадрларын даярлауға қосқан үлесі туралы мәліметтер ұсынылды.

- Өтініште сондай-ақ жалға алу шартының бұзылуының ықтимал салдары көрсетілген: лицензиялардың жоғалуы, мекеменің қызметін тоқтатуы, қызметкерлердің жаппай жұмыстан шығарылуы (олардың басым бөлігі – әйелдер), Абай облысы әйелдеріне білікті медициналық көмектің қолжетімділігінің төмендеуі.

- Мекемені сақтап қалу және медициналық инфрақұрылымды жақсарту мақсатында мемлекеттік-жекешелік әріптестік аясында инвестициялық жобаны іске асыру мүмкіндіктері қарастырылды.

ТАЛҚЫЛАЙ КЕЛІП, ШЕШІМ ҚАБЫЛДАДЫ:

  1. «Жамиля» мекемесі ұжымының өтінішін назарға алу.
  2. Абай облысының Денсаулық сақтау басқармасына және Қаржы басқармасына Семей қаласы, Жамақаев көшесі, 73 мекенжайындағы ғимаратты жалға алу мерзімін ұзарту мүмкіндігін қарастыруды ұсыну.
  3. Мекеменің тұрақты қызметін қамтамасыз ету және халыққа көрсетілетін медициналық қызметтерді кеңейту үшін мемлекеттік-жекешелік әріптестік шеңберінде инвестициялық жобаны жүзеге асыру мүмкіндігін қолдау.
  4. Осы шешімдердің орындалуына бақылауды әлеуметтік саясат жөніндегі комиссияға және экономикалық саясат пен кәсіпкерлікті дамыту саласындағы азаматтық-құқықтық қатынастарды қорғау жөніндегі комиссияға жүктеу.

 

 Семей қаласының

Қоғамдық кеңесінің төрағасы                                        Г. Алтынбекова

 

Семей қаласының

Қоғамдық кеңесінің мүшесі                                  Г.Жакиянова          

Дата публикации
04 декабря 2025