№ 4 ХАТТАМА Семей қаласының Қоғамдық кеңесінің отырысы

№ 4 ХАТТАМА

Семей қаласының Қоғамдық кеңесінің отырысы

 

Семей қ.                                                                   2025 жылғы 17 қараша

Абай көш., 97                                                         сағат 10:00

Төраға: Алтынбекова Г.К., Семей қаласының Қоғамдық кеңесінің төрағасы.

Хатшы: Сеильханов К.М., Семей қаласының Қоғамдық кеңесінің хатшысы.

Қатысқандар: Семей қаласының Қоғамдық кеңесінің мүшелері, Семей қаласы Кәсіпкерлік бөлімінің басшысының орынбасары  Окпенов Т.К.

КҮН ТӘРТІБІ:

1. Абай облысы Семей қаласының Кәсіпкерлік бөлімі» ММ-нен Семей қаласында 2026 жылға арналған оңайлатылған декларация негізінде қолданылатын арнайы салық режимі бойынша салық мөлшерлемесін төмендету туралы Семей қаласы мәслихаты шешімінің жобасына қоғамдық сараптама жүргізу туралы хатты қарау.
2. ТЫҢДАЛДЫ:

Семей қаласының Қоғамдық кеңесінің төрағасы Алтынбекова Г.К. – Қоғамдық кеңеске «Абай облысы Семей қаласының Кәсіпкерлік бөлімі» ММ-нен аталған жобаны қоғамдық сараптамадан өткізу туралы хат түскенін хабарлады. Ол салық мөлшерлемесін төмендету бизнес-климаттың жақсаруына, кәсіпкерлік сектордың іскерлік белсенділігінің артуына ықпал ететінін атап өтті. Бұл мәселе бойынша жұмыс тобы құрылды. Қазақстан Республикасының «Қоғамдық кеңестер туралы» Заңының 20-бабы 6-тармағына сәйкес Қоғамдық кеңес мүшелері жобаны келісу немесе келіспеу туралы шешім қабылдауы тиіс. Осыған орай сарапшылық комиссия құрылған.

Сарапшылық комиссияның төрайымы Оразғалиева А.К. сөз сөйлеп, жобаның шағын және орта бизнесті қолдау жөніндегі мемлекеттік саясатқа сәйкес келетінін, кәсіпкерлердің мүдделері мен бақылаушы органдардың пікірлері ескерілгенін, сондай-ақ қоғамдық тыңдаулардың нәтижелеріне негізделгенін айтты. Жоба қоғамдық, институционалдық және құқықтық кең қолдауға ие.

Алтынбекова Г.К. жобаны талқылау барысында ұсыныстар мен ескертулер бар-жоғын сұрады.

ТАЛҚЫЛАУ НӘТИЖЕСІ БОЙЫНША ШЕШТІ:

1. Ұсыныстар мен ескертулер түскен жоқ.
2. Семей қаласы мәслихатының «Семей қаласында 2026 жылға арналған оңайлатылған декларация негізінде қолданылатын арнайы салық режимі бойынша салық мөлшерлемесін төмендету туралы» шешім жобасын ескертусіз келісу.
3. 2026 жылдың барысында мөлшерлемені төмендетудің экономикалық әсеріне мониторинг жүргізу.
4. «Семей қаласының Кәсіпкерлік бөлімі» ММ-не және Абай облысының Кәсіпкерлер палатасына тоқсан сайын аналитикалық есеп дайындауды ұсыну.

Шешім бірауыздан қабылданды.

 

Семей қаласының

 Қоғамдық кеңесінің төрағасы:                                Г. Алтынбекова

Семей қаласының

Қоғамдық кеңесінің хатшысы:                                К. Сеильханов

Дата публикации

19 ноября 2025