«ЖАС ҒАЛЫМ»: AMANZHOLOV UNIVERSITY ҒАЛЫМЫ ДЕТОНАЦИЯЛЫҚ ЖАБЫНДАРДЫҢ ҚОРҒАНЫС ҚАСИЕТТЕРІН АРТТЫРУ ӘДІСТЕРІН ҰСЫНДЫ
«ЖАС ҒАЛЫМ»: AMANZHOLOV UNIVERSITY ҒАЛЫМЫ ДЕТОНАЦИЯЛЫҚ ЖАБЫНДАРДЫҢ ҚОРҒАНЫС ҚАСИЕТТЕРІН АРТТЫРУ ӘДІСТЕРІН ҰСЫНДЫ
🔬 С. Аманжолов атындағы ШҚУ-дың жас ғалымдарының екі жобасы «Жас ғалым» бағдарламасы аясында гранттық қаржыландыруды жеңіп алды.
👩🔬 Жеңімпаздардың бірі – Amanzholov University-дің «Беттік инженерия және трибология» ғылыми-зерттеу орталығының аға ғылыми қызметкері Меруерт Маулет. Ол «NiCrAl негізіндегі детонациялық жабындардың қорғаныс қасиеттерін арттыру» жұмысын ұсынды. Жоба әртүрлі материалдарды өңдеудің оңтайлы әдістерін анықтауға бағытталған.
📢 «Менің зерттеулерім NiCrAl негізіндегі жабынның қорғаныс қасиеттерін арттыруға қажет. Мен термиялық, нанокристалды, ультрадыбыстық, импульсты-плазмалық өңдеу әдістерін зерттеймін», - деді ғалым.
💡 Оның айтуынша, ҚР Ғылым және жоғары білім министрлігінің гранттық қаржыландыру байқауы тек зерттелетін тақырыпты тереңдетіп оқытуды ғана мақсат етіп қоймай, сонымен қатар жаңа ғылыми жетістіктерге ынталандыруды көздейді.