ТӘЖІКСТАН РЕСПУБЛИКАСЫНА 100 БІЛІМ БЕРУ ГРАНТЫ

ҚР Үкіметі мен Тәжікстан Республикасының Үкіметі арасындағы Келісім шеңберінде 2024 жылдың 20 мамыры Тәжікстан Республикасының жоғары оқу орындарында оқуға құжаттарды қабылдау басталады.

Өтініштер «Электрондық үкімет» порталы – eGov.kz арқылы онлайн режимінде немесе 2024 жылдың 20 мамыры сағат 9:00-ден 2024 жылдың 31 мамыры сағат 18:30-ға дейін Астана қаласындағы ХБО кеңсесінде қабылданады.

Қазақстан азаматтарына 100 грант бөлінді:

- техникалық мамандықтар бойынша – 50 орын (бакалавриат – 40, магистратура – 10);

- медициналық мамандықтар бойынша – 5 орын (бакалавриат/маман дәрежесі/интернатура);

- гуманитарлық және экономикалық мамандықтар бойынша – 45 орын (бакалавриат – 35, магистратура – 10).

Грант келесі шығындарды қамтиды:

* тегін білім беру;

* мемлекеттің ұлттық заңнамасына сәйкес ай сайынғы стипендия;

* медициналық қызмет көрсету.

Қалған шығындарды, соның ішінде көлік және тұру шығындарын грант иегері өз бетінше өтейді.

Оқыту тілі – тәжік/орыс.

Қажетті құжаттар туралы қосымша ақпаратпен, құжаттарды тапсыру жөніндегі нұсқаулықпен «Халықаралық бағдарламалар орталығы» АҚ bolashak.gov.kz сайтында танысуға болады.