ВИЦЕ-МИНИСТР ДАРХАН АХМЕД-ЗАКИ ҚОСТАНАЙ ОБЛЫСЫНА БАРДЫ
Ғылым және жоғары білім вице-минстрі Дархан Ахмед-Заки ҚР Үкіметінің жедел тобының құрамында Қостанай қаласына барды. Ең алдымен А.Байтұрсынұлы атындағы университетте орналасқан гуманитарлық көмек қабылдау пунктінің жұмысымен танысты.
Мұнда ҚӨУ қызметкерлері мен студенттер гуманитарлық жүк тиеуде. Астана, Жамбыл, Қарағанды, Лисаковскт пен Қырғызстаннан Республикасынан зардап шеккендерге көмек жинауда. Бүгінгі таңда 174 мың тонна азық-түлік пен ең қажетті заттар келіп, еріктілер оны су тасқынынан зардап шеккендерге үлестіруде. Қазірдің өзінде 750-ден астам адамға көмек көрсетілді, бұл көрсеткіш сағат сайын артып келеді дейді жауаптылар.
Сапар аясында вице-министр Қостанай облысындағы Мичурино және Алтынсарина (Альжанка) ауылдарының тұрғындарымен жеке кездесіп, су тасқынынан зардап шеккендерге көмек көрсету жөніндегі жедел штабқа барды. Мұнан соң ҚР Ішкі істер министрлігі Ш.Қабылбаев атындағы академияның жатақханасында орналасқан эвакуациялау пунктінде тұрғындарға көмек көрсету жағдайларымен танысты.
Облыс тұрғындары және ҚӨУ студенттерімен өткен бейресми кездесуде Дархан Ахмед-Заки мемлекет жүзеге асырып жатқан су тасқынының зардаптарын жою шаралары туралы айтты. А.Байтұрсынұлы атындағы университет үйлері су тасқынынан зардап шеккен студенттерді 1-қыркүйекке дейін оқу ақысын төлеуден және университет жатақханасында тұратын студенттерден босатып, ортақ іске өз үлесін қосуда. Өңірдегі басқа да оқу орындары жергілікті тұрғындарға жан-жақты көмек көрсетуде.
– Мемлекет басшысы Қасым-Жомарт Тоқаев жағдайды жеке бақылауында ұстап, су тасқынынан зардап шеккен өңірлерді аралауда. Арнайы комиссия барлық шығынды анықтап, тиісті шешім қабылдайды. Сіздердің қауіпсіздіктеріңіз басты назарда, - деді вице-министр.
Сапар А.Байтұрсынұлы университетінің Smart орталығында жалғасты. Онда студенттер мен оқытушылардың стартаптар мен ғылыми әзірлемелері туралы баяндады. Вице-министрге университет ғалымдары былтырдан бері жұмыс істеп жатқан су ресурстарының жедел мониторингі және гидротехникалық құрылыстардың экологиялық бақылау жүйесін құру жобасын таныстырды.
Іс-сапар соңында Қостанай облысындағы жоғары оқу орын ректорларының мәжілісінде ҚР Ғылым және жоғары білім вице-министрінің ұсынысы бойынша ҚӨУ базасында университеттер мен жергілікті ұйымдардың консорциумын құру туралы шешім қабылданды. Су ресурстары мәселелері бойынша ғылыми-зерттеу және тәжірибелік-конструкторлық жұмыстарға жауапты елдің мамандандырылған ғылыми-зерттеу институттарымен және кәсіпорындарымен бірлесіп су тасқыны және су тасқыны туралы ескерту жүйесін әзірлеуді тапсырды.