Профессор-оқытушылар құрамы мен ғылыми қызметкерлердің академиялық құқықтары және мүдделерін қорғау мақсатындағы ынтымақтастық

Бүгін Ғылым және жоғары білім саласындағы әлеуметтік әріптестік пен әлеуметтік және еңбек қатынастарын реттеу жөніндегі салалық комиссияның отырысы өтті.

«Білім, ғылым және жоғары білім қызметкерлерінің Қазақстандық салалық кәсіптік одағы» ҚБ өкілдері әлеуметтік әріптестік және ғылым және жоғары білім саласындағы әлеуметтік-еңбек қатынастарын реттеу жөніндегі салалық комиссияның 2023 жылғы жұмыс жоспарының орындалуы туралы баяндап, 2024 жылға арналған жұмыс жоспарын талқылады.

Кездесу барысында ҚР Ғылым және жоғары білім министрі Саясат Нұрбек пен Қазақстандық салалық білім және ғылым қызметкерлері кәсіптік одағының төрайымы Айгүл Мұқашева жоғары және жоғары оқу орнынан кейінгі білім беру сапасын қамтамасыз ету саласындағы ынтымақтастық туралы Меморандумға қол қойды.

Құжаттың мақсаты – жоғары білім беру сапасын, академиялық және зерттеушілік адалдық мәдениетін қамтамасыз ету, сондай-ақ саланың профессор-оқытушылар құрамы мен ғылыми қызметкерлерінің академиялық құқықтарын, бостандықтары мен кәсіби мүдделерін қорғау саласындағы ынтымақтастық.

Өзара ынтымақтастық шеңберінде тараптардың құзыреті шегінде қолданыстағы заңнаманы жүзеге асыру бойынша түсіндіру жұмыстарын жүргізу жоспарлануда. Сондай-ақ, қоғамдық бірлестік ПОҚ мен ғылыми қызметкерлердің құқықтары мен бостандықтарын олардың жұмысы үшін қолайлы ортаға тиімді қорғауды және ПОҚ мен ғылыми қызметкерлердің академиялық құқықтары мен бостандықтарын қорғау мақсатында ынтымақтастықты қамтамасыз ететін болады. Бұдан басқа, жоспарларда – ҚР заңнамаларын сақтау бойынша жүргізіліп жатқан жұмыстың нәтижелері туралы үнемі ақпарат алмасу.

Сонымен қатар, іс-шараға қатысушылар комиссия қызметін жақсарту жөнінде ұсыныстарын беріп, белсенді және жемісті өзара іс-қимылға дайын екендіктерін білдірді.