Ғылым мен тәжірибенің симбиозы: студенттерді оқыту үшін ШҚТУ бірегей жабдықты қалай пайдаланады
Д. Серікбаев атындағы Шығыс Қазақстан техникалық университетінің құрылыс және құрылыс материалдары саласындағы құзыреттілік және трансферт орталығы оқу үдерісінің материалдық-техникалық және әдістемелік алаңы болып табылады.
Орталықта ғылыми, өндірістік және білім беру бағыттары бойынша қызмет түрлері қарастырылған. Ол жерде Қазақстан Республикасы Ұлттық аккредиттеу орталығының МЕМСТ ISO/IEC 17025-2019 сәйкестігіне аккредиттелген зертхана бар.
«Зертхананы аккредиттеу ғылыми және өндірістік қызмет шеңберінде нақты нәтижелер алуға мүмкіндік береді. Мысалы, біздің ғалымдар ғылыми журналдарға мақала жазу үшін түрлі эксперименттер, зерттеулер жүргізеді. Зертхана біздің өндірістік қызметте де қолданыста. Қалалық, облыстық және республикалық деңгейдегі объектілерде сапаны бақылауға мүмкіндік береді. Біздің қызметкерлер нысандарда сынамалар алып, зертханада заманауи жабдықты қолдана отырып, зерттеу әдістерін жүргізе алады», - дейді техника ғылымдарының кандидаты, құрылыс және құрылыс материалдары саласындағы құзыреттер мен технологиялар трансфері орталығының жетекшісі Руденко Ольга Владимировна.
Құзыреттілік орталығында Қазақстандық стандарттау және метрология институтымен бірлесіп әзірленетін стандарттардың, техникалық регламенттердің жобалары бойынша ұсынымдар береді, кәсіпорындарға ғылыми-техникалық көмек көрсетеді (жаңа өндірісті енгізу немесе қолданыстағы өндірісті қайта құру кезінде). Сондай-ақ, мұнда студенттер білімін жетілдіріп қана қоймай, жас мамандарға композициялар мен формаларды таңдау бойынша ғылыми жұмыстар жүргізуге мүмкіндік беретін 3D құрылыс принтері бар.
Орталық пен зертханалардың маңызды бағыттарының бірі – құрылыс материалдарын өндіру технологияларын зерттеу, жетілдіру және әзірлеу.
Құрылыс материалдары өнеркәсібінің жекелеген салаларының жай – күйі; олардың елдегі даму перспективалары; өндірістің жаңа технологияларын әзірлеу, енгізу және бұрыннан барларын жетілдіру; энергия үнемдейтін технологияларды әзірлеу; зерттеулердің барлық түрлері - шикізат та, материалдардың физика-механикалық қасиеттері де - мұның бәрі ШҚТУ қызметкерлерінің атқаратын қызмет саласына кіреді.