Технологияларды коммерцияландыру: Қозыбаев университетінің жем өндіру бойынша жобасы грантқа ие болды

Манаш Қозыбаев атындағы Солтүстік Қазақстан университетінің жобасы ірі қара мал терісін өңдеп, жемдік қоспаға айналдыру бойынша ғылыми жобаны жүзеге асыру үшін гранттық қаржыға ие болды. «Ғылым қоры» АҚ-мен келісімге қол қойылды.

Ғылыми жұмыста ірі қара мал мен жылқы терісін кәдеге жарату және жоғары ақуызды азықтық қоспаға айналдыру өңдеу технологиялары қарастырылады.

Жобаны жүзеге асырудағы серіктес - «SK PROTEIN» ЖШС.

Тұтыну нарығының негізгі мақсатты сегменті бірінші кезекте Солтүстік Қазақстандағы және Қазақстанның басқа аймақтарындағы, сондай-ақ Еуропалық Одақ елдеріндегі, Ресей Федерациясының және болашақта Қытайдың асыл тұқымды мал шаруашылығы кешендері мен құс фабрикалары, сондай-ақ жемшөп сататын саудагерлер болып табылады.