АЗАМАТТЫҚ АВИАЦИЯ АКАДЕМИЯСЫНДА БИЗНЕС-ИНКУБАТОР АШЫЛДЫ
AviaIncubator стартаптарды қолдау алаңына айналуға арналған, резиденттерге идеяны әзірлеуден бастап жобаның жұмыс прототипіне дейінгі құралдармен, зияткерлік меншікті қорғау, коммуникациялар бойынша кеңестер беру, стартапты жүзеге асыру үшін серіктестер табу, инвесторларға идеяларды ұсыну, жобаны коммерцияландыру және өнімді нарыққа шығару үшін құрылған.
«2023-2025 жылдарға 100-ге жуық резиденттерді тарту міндеті тұр. Біздің инкубатордың резиденттерінің негізгі бөлігі – студенттер, Азаматтық авиация академиясының жас оқытушылары, басқа жоғары оқу орындарының студенттері, тіпті мектеп оқушылары», - дейді AviaIncubator директоры Маргарита Никитина. Маргаританың айтуынша, инкубатордың негізгі бағыты – көлік: «Біз стартаптар саласын, ең алдымен, өз бағытымызда дамытқымыз келеді және бұл үшін Қазақстан Республикасының әуе компанияларымен, көлік компанияларымен және әуежайларымен өзара әрекеттесіп, ынтымақтастық орнатуды жоспарлап отырмыз. Инкубатор резиденттерін оқытуы тегін болады».
AviaIncubator трекерлері – Азаматтық авиация Академиясының Ғылыми зерттеулер және құзыреттілік орталығының өкілі Якуб Курбанов, Ғылыми жетістіктер орталығының өкілі Маргарита Никитина, сондай-ақ ғылыми қызмет жөніндегі проректор Қайрат Көшеков. Қазіргі уақытта команда Алматы халықаралық әуежайына және басқа да жобаларға қосымша әзірлеуде.
AviaIncubator бизнес-инкубаторларды қолдау байқауында жеңіске жетіп, «QazInnovations» инновациялық даму жөніндегі ұлттық агенттіктен грантқа ие болып, АҚ қолдауына ие болды. Грант инкубаторды іске қосуға және алғашқы 4 айда жұмыс істеуге мүмкіндік береді, содан кейін инкубатор стартаптарды енгізу және коммерцияландыру арқылы өзін қамтамасыз етуі керек.