2023-2025 ЖЫЛДАРҒА АРНАЛҒАН ҒЫЛЫМИ-ТЕХНИКАЛЫҚ БАҒДАРЛАМАЛАРДЫ ҚАРЖЫЛАНДЫРУ БОЙЫНША КОНКУРСҚА ӨТІНІМДЕРДІ ҚАБЫЛДАУ ЖАЛҒАСУДА

Қазақстан Республикасы Ғылым және жоғары білім министрлігі 20 маусымда жариялаған 2023-2025 жылдарға арналған ғылыми және (немесе) ғылыми-техникалық бағдарламалар бойынша бағдарламалық-нысаналы қаржыландыру бойынша конкурсқа өтінімдерді қабылдау жалғасуда.

Үміткерлер Ғылым комитетіне электронды түрде «Ұлттық мемлекеттік ғылыми-техникалық сараптама орталығы» АҚ ақпараттық жүйесі арқылы https://is.ncste.kz бойынша конкурстық өтінімдер береді. Өтінімді бағдарламаның ғылыми жетекшісі мен өтініш берушінің электрондық цифрлық қолтаңбасымен куәландыру қажет.

Алайда, соңғы уақытта ҚР ҒЖБМ мен «ҰМҒТСО» АҚ-ға қатысы жоқ түрлі ресурстарда ақылы негізде кеңес беру қызметтерін көрсету туралы хабарландырулар пайда болды. Министрлік азаматтарды мұқият болуға және ақпаратты ресми дереккөздерде тексеруге шақырады. Кеңес беру қызметтері тегін көрсетіледі.

Конкурстық құжаттаманы түсіндіру және өтінімді ресімдеу мәселелері бойынша, сондай-ақ Ғылым комитеті мен ҰМҒТСО АҚ қызметкерлерінен 355 00 52 жедел желі (ішкі нөмірлері) телефоны бойынша МҒТСО ААЖ пайдалану бойынша кеңес алуға болады 201, 202, 203, 207, 208, 209, 211, 214, 216, 218), 8 (7172) 74-24-68, 74-20-29, 74-19-04, 74-25-88; қаржы мәселелері бойынша 8 (7172) 74-16-53.