АТЫРАУ МҰНАЙ ЖӘНЕ ГАЗ УНИВЕРСИТЕТІНДЕ МВА БАҒДАРЛАМАСЫНЫҢ АЛҒАШҚЫ ТҮЛЕКТЕРІ ДИПЛОМ АЛДЫ

С.Өтебаев атындағы Атырау мұнай және газ университеті «Мұнай инженериясы» MBA бағдарламасының алғашқы қатысушылары магистрлік диссертацияларын қорғады.

 

2021 жылы ашылған бұл бағдарлама тәуекелдерді басқаруға және Қазақстандағы мұнай-газ саласын дамыту үшін инновациялық шешімдер шығаруға қабілетті, менеджментті, әлемдік энергетикалық нарықта шешім қабылдау ерекшеліктерін терең түсінетін басқару кадрларын даярлауға бағытталған.

 

Көшбасшылық дағдыларды меңгерген басқарушы кадрларды даярлауға бағытталған МВА бағдарламасы – оқу мен жұмысты қатар алып жүруге мүмкіндік беретін модульдік форма. Мұнда отандық және шетелдік профессор-оқытушылар мен сарапшылар, өз ісінің кәсіби шебер мамандары дәріс береді.