GOV.KZ – Мемлекеттік органдардың цифрлық ресурстарының бірыңғай платформасы
Меню
Страницы
Все материалы
22 октября 2026
Кадастрлық цифрлық сервистер жаңа координаттар жүйесіне көшеді
Жылжымайтын мүліктің бірыңғай мемлекеттік кадастры жаңа мемлекеттік координаттар жүйесі QazTRF-23-ке көшеді. Сол себепті демалыс және мереке күндері, 2026 жылғы 23 қазан сағат 19:00-ден 27 қазан сағат 00:00-ге дейін ЖМБМК мен Жария кадастрлық картасында техникалық жұмыстар жүргізіледі.
Технологиялар дамыған сайын координаттарды анықтау тәсілдері де жаңаруды қажет етеді. Бұрын координаттар спутниктік технологиялар пайда болмай тұрып жасалған әдістермен анықталса, бүгінде заманауи технологиялар бұл жұмысты дәлірек орындауға мүмкіндік береді. Жаңа координаттар жүйесіне көшу – әлемдік тәжірибе және Қазақстан да осы бағытта жұмыс жүргізіп жатыр. Осыған байланысты мемлекеттік ақпараттық жүйелердегі кеңістіктік деректер, цифрлық карталар мен сервистер жаңа координаттар жүйесіне көшіріледі.
QazTRF-23 – ескірген геодезиялық жүйелердің орнына іске қосылған заманауи әрі ашық мемлекеттік координаттар жүйесі. Оның көмегімен Қазақстан аумағындағы жер учаскесінің, ғимараттың, жолдың немесе басқа да обьектінің орналасқан жері анықталады.
Аталған күндер аралығында жер кадастрына, жылжымайтын мүлікті техникалық тексеруге және жылжымайтын мүлікке құқықтарды тіркеуге қатысты мемлекеттік қызметтерге өтініш қабылданбайтынын ескерген жөн. Бұл ретте, жылжымайтын мүлікке құқықтарды тіркеу саласындағы электрондық анықтамаларды цифрлық сервистер арқылы алу мүмкіндігі сақталады.
Алдағы өзгерістерге байланысты «Азаматтарға арналған үкімет» Мемлекеттік корпорациясы азаматтар мен ұйымдарға қажетті мемлекеттік қызметтерді алуды алдын ала жоспарлауды ұсынады. Техникалық жұмыстар аяқталғаннан кейін цифрлық сервистер әдеттегі тәртіпте жұмысын жалғастырады.
21 октября 2026
САУРАН АУДАНЫНДА «АЛТЫН КҮЗ – 2026» ЖӘРМЕҢКЕСІ ӨТЕДІСауран ауданының тұрғындары мен қонақтарын «Алтын күз – 2026» аясында өтетін «Дала дәмі» жәрмеңкесіне шақырамыз!
Күні: 2026 жылғы 23 қазан
Уақыты: 16:00
Өтетін орны: Әкімшілік алаңыБаршаңызды жәрмеңкеге қатысуға шақырамыз!
21 октября 2026
ҚҰРМЕТТІ САУРАН АУДАНЫНЫҢ ТҰРҒЫНДАРЫ МЕН ҚОНАҚТАРЫ!Сіздерді Республика күніне арналған мерекелік концертке шақырамыз!
Кеш қонақтары – әншілер Ернар Айдар мен Диана Исмаил. Мерекелік шарада көтеріңкі көңіл күй мен әсем ән сіздерді күтеді.
23 қазан 2026 жыл
17:00 Әкімшілік алаңыБаршаңызды мерекелік кеште күтеміз!
21 октября 2026
САУРАН АУДАНЫНЫҢ ӘКІМІ ҚҰТҚАРУШЫЛАРДЫ КӘСІБИ МЕРЕКЕСІМЕН ҚҰТТЫҚТАДЫ19 қазан – Құтқарушылар күніне орай Сауран ауданының әкімі Мақсат Таңғатаров аудандық Төтенше жағдайлар бөлімінің қызметкерлерімен кездесіп, кәсіби мерекелерімен құттықтады. Жиынға бөлім басшысы, азаматтық қорғау подполковнигі Мұхтар Қуанышбаев қатысты.
Аудан әкімі құттықтау сөзінде құтқарушылардың төтенше жағдайлардың алдын алу, тұрғындарды қауіп-қатерден қорғау және қиын сәтте көмек көрсету жолындағы еңбегін атап өтті. Бұл міндеттер жоғары жауапкершілікті, шұғыл шешім қабылдай білуді және кәсіби даярлықты талап ететінін айтты.
Мақсат Таңғатаров аудан тұрғындарының амандығы мен қауіпсіздігі үшін күнделікті міндеттерін атқарып жүрген мамандарға алғыс айтып, оларға денсаулық пен жұмыстарына табыс тіледі.
Мерекеге орай бірқатар қызметкерге «Сауран ауданына сіңірген еңбегі үшін» төсбелгісі табысталып, аудан әкімінің Алғыс хаттары берілді.
Сауран ауданы әкмідігінің баспасөз қызметі21 октября 2026
АУДАНДАҒЫ ЗАҢСЫЗ ҚҰРЫЛЫС НЫСАНДАРЫ МЕН ЖОЛ ҚЫЗМЕТІНІҢ ЖҰМЫСЫ ТАЛҚЫЛАНДЫБүгін аудан әкімі Мақсат Таңғатаровтың төрағалығымен аппараттық мәжіліс өтті. Жиынның күн тәртібіне аудан аумағында заңсыз және тиісті құжаттарсыз салынған нысандарды анықтау, сондай-ақ «Жол қызметі» коммуналдық мемлекеттік мекемесінің 2026 жылдың тоғыз айында атқарған жұмыстары туралы мәселелер енгізілді.
Алғашқы мәселе бойынша Сәулет және қала құрылысы бөлімі басшысының орынбасары Сұлтанмурат Нұрмухаммед баяндама жасады. Ол аудан аумағындағы заңсыз құрылыс нысандарын анықтау бағытында жүргізілген жұмыстар мен мұндай нысандарға қатысты қолданылған шаралар туралы ақпарат берді. Құрылыс жұмыстарын белгіленген талаптарға сай жүргізу, қажетті құжаттарды рәсімдеу және сәулет-қала құрылысы нормаларын сақтау мәселелері қаралды.
Мәжілісте «Жол қызметі» коммуналдық мемлекеттік мекемесінің директоры Әбу Абзал Бахытұлы мекеменің тоғыз айдағы жұмыстары бойынша есеп берді. Баяндамада жол саласына қатысты атқарылған жұмыстар мен мекеменің негізгі қызмет бағыттары қамтылды.
Күн тәртібіндегі мәселелер бойынша жауапты сала өкілдерінің есептері тыңдалып, аудан аумағындағы құрылыс нысандарының заңдылығын бақылау және жол қызметінің жұмысын жүйелі ұйымдастыру бағыттары талқыланды.
Сауран ауданы әкімдігінің баспасөз қызметі21 октября 2026
ТҰРҒЫНДАР КӨТЕРГЕН МӘСЕЛЕЛЕР ЖЕКЕ ҚАБЫЛДАУДА ҚАРАЛДЫСауран ауданының әкімі Мақсат Таңғатаров азаматтарды жеке қабылдады. Қабылдауда 9 тұрғын 11 мәселе көтерді. Олардың қатарында жер телімдерін пайдалану, жұмысқа орналасу, кәсіп бастау, елді мекендердің инфрақұрылымы және электр энергиясының тарифі жөніндегі өтініштер болды.
Бабайқорған ауылдық округіндегі суармалы жерлер конкурсына қатысты сұраққа жауап берілді. Жергілікті қоғамдастық жиналысының шешімімен конкурс сараптама аяқталғанға дейін уақытша тоқтатылған. Оның қорытындысы мен конкурс өткізу мерзімі қосымша хабарланады.
Майдантал ауылдық округіне қарасты Егізқара елді мекенінің тұрғындары ауызсу, электр жарығы және жол мәселесін көтерді. Елді мекенге ауызсу тұрақты беріліп отырғаны айтылды. Электрмен жабдықтау және сыртқы жарықтандыру бойынша «Sauran Solar Power» компаниясы техникалық есеп жүргізіп, жобалық шешімдерді пысықтап жатыр. Жұмысты қазан айының соңына қарай бастау жоспарланған.
Қабылдауда жұмыс сұраған азаматтардың өтініштері аудандық Мансап орталығына жолданады. Ал жол бойында маусымдық сауда орнын ашу, сондай-ақ ауыл шаруашылығы мен өзге кәсіпкерлікке жер алу тәртібі түсіндірілді: бұл мәселелер заңнамада белгіленген конкурс немесе аукцион арқылы шешіледі. Электр тарифіне қатысты өтініш бойынша да тұрғынға қолданыстағы тариф туралы ақпарат берілді.
Аудан әкімі жауапты бөлімдер мен ауылдық округ әкімдеріне әр өтінішті белгіленген тәртіппен қарап, тұрғындарға қабылданған шешімдер туралы хабарлауды тапсырды.
Сауран ауданы әкімдігінің баспасөз қызметі21 октября 2026
БАБАЙҚОРҒАНДА «АУЫЛДЫ ДАМЫТУ КОМАНДАСЫ» ПИЛОТТЫҚ ЖОБАСЫ ІСКЕ АСЫРЫЛАДЫҚазақстан Республикасы Ұлттық экономика министрлігінің Өңірлік даму департаментінің директоры Нұрлан Мақсұтов арнайы жұмыс сапарымен Сауран ауданына келді. Сапар барысында аудан әкімі Мақсат Таңғатаров Бабайқорған ауылдық округінде іске асырылатын «Ауылды дамыту командасы» пилоттық жобасы бойынша жоспарланған жұмыстармен таныстырды.
Аталған бастама Қазақстан Республикасы Премьер-Министрінің орынбасары Қанат Бозымбаевтың тапсырмасына сәйкес қолға алынуда. Құжатта Ұлттық экономика министрлігіне Жамбыл және Түркістан облыстарының әкімдіктерімен бірлесіп, «Ауылды дамыту командасы» тетігін пилоттық режимде енгізуді қамтамасыз ету тапсырылған.
Сауран ауданында пилоттық жоба Бабайқорған ауылдық округінде жүзеге асырылады. Округ құрамына Бабайқорған, Абай, Үлгілі және Құмайлықас елді мекендері кіреді. Мұнда 6 920 тұрғын тұрады, 960 жеке қосалқы шаруашылық бар.
Нұрлан Мақсұтов сапар аясында жобаны енгізуге дайындық барысымен, аудан және ауыл деңгейінде атқарылатын жұмыстардың негізгі бағыттарымен танысты. Ұсынылған жұмыс моделінде тұрғындардың әлеуметтік жағдайы мен табыс көздерін зерделеп, әр отбасының қажеттілігіне қарай жеке қолдау жоспарын әзірлеу көзделген. Осы жоспар арқылы азаматтарды жұмысқа орналастыру, кәсіптік оқуға жіберу, кәсіп бастауға және мемлекеттік қолдау шараларына қатысуға жәрдемдесу қарастырылған.
Команда құрамына жұмыспен қамту, қаржы, құқық, ауыл шаруашылығы және жастармен жұмыс салаларының мамандарын тарту ұсынылған. Олар тұрғындарға құжат рәсімдеуден бастап, бизнес-жоспар әзірлеу мен жобаны іске асыруға дейін сүйемелдеу көрсетеді. Ауыл деңгейінде отбасылармен тікелей жұмыс жүргізіліп, көрсетілген қолдаудың нәтижесі тұрақты бақыланбақ.
Басым бағыттардың бірі – D және E санатындағы азаматтарды «Ауыл аманаты» жобасына тарту. Бұл міндет жобалық кеңес отырысының хаттамасында да белгіленген. Осыған байланысты Бабайқорған ауылдық округіндегі ет бағытындағы «Бауыржан» ауыл шаруашылығы өндірістік кооперативі арқылы жеке қосалқы шаруашылықтардың өнім өткізу мүмкіндігін кеңейту жоспарланған. Ұсынылған модельде 289 жеке қосалқы шаруашылықтың өнімін кооперативке өткізуін ұйымдастыру және бес адамды жұмыспен қамту көзделеді.
Пилоттық жоба ауыл тұрғындарына көрсетілетін қолдауды өзара үйлестіріп, отбасылардың тұрақты табыс табуына жағдай жасауға бағытталған. Бабайқорған ауылдық округіндегі жұмыс тұрғындардың нақты қажеттілігі мен жергілікті шаруашылық мүмкіндіктерін ескере отырып жүргізіледі.
Сауран ауданы әкімдігінің баспасөз қызметі21 октября 2026
САУРАНДА АРХИВ ІСІН ҰЙЫМДАСТЫРУ МӘСЕЛЕЛЕРІ ҚАРАЛДЫСауран ауданының әкімі Мақсат Таңғатаровтың төрағалығымен аудандық мемлекеттік архивтің қызметін ұйымдастыру және мекемелердің құжаттарын архивке өткізу мәселелеріне арналған жиын өтті. Онда жаңадан құрылған архивтің жұмысы, құжаттарды қабылдау мен сақтау, мемлекеттік мекемелерге әдістемелік көмек көрсету бағыттары қаралды.
Аудан әкімінің бастамасымен ұсынылған «Сауран аудандық мемлекеттік архиві» коммуналдық мемлекеттік мекемесі Түркістан облысы әкімдігінің 2026 жылғы 28 мамырдағы №102 қаулысына сәйкес құрылды. Мекеме С. Тоймахан көшесіндегі 32Б ғимаратында орналасқан. Архивті толықтыру көздері ретінде 39 мемлекеттік мекеме белгіленген.
Ұсынылған мәліметке сәйкес, ауданға қатысты тұрақты сақталатын құжаттар Кентау өңірлік мемлекеттік архивінде, ал жеке құрам жөніндегі құжаттар Түркістан қалалық мемлекеттік архивінде сақтаулы. Аудандық архивтің құрылуы жергілікті мекемелердің құжаттарын бір орталыққа жинақтап, олардың сақталуын қамтамасыз етуге мүмкіндік береді.
Жиында мекемелердің құжаттарын ретке келтіру, істер номенклатурасын әзірлеу және құжаттардың құндылығына сараптама жүргізу мәселелеріне назар аударылды. Бұл жұмыстар ауданның құжаттық қорын қалыптастыруға, тарихи деректерді сақтауға және азаматтардың архивтік мәліметтерге қолжетімділігін арттыруға бағытталған.
Сауран ауданы әкімдігінің баспасөз қызметі21 октября 2026
БІРЛЕСКЕН ҚАБЫЛДАУДА ТҰРҒЫНДАРДЫҢ ӨТІНІШТЕРІ ҚАРАЛДЫСауран ауданының әкімі Мақсат Таңғатаров тұрғындарды жеке мәселелері бойынша қабылдады. Жеке қабылдау «Әділет» партиясы Сауран аудандық филиалының мобильді қоғамдық қабылдауымен бірлесіп өтті. Аудан басшысы партияның аудандық филиалының төрағасы Сағынбек Асылбековпен бірге азаматтардың өтініштерін тыңдап, оларды шешу жолдарын қарады.
Тұрғындар жер учаскелерін рәсімдеу, суармалы жер конкурсына қатысу, жайылымды пайдалану мерзімін ұзарту және кадастр құжаттарын реттеу мәселелері бойынша жүгінді. Сондай-ақ тұрғын үй алу, жұмысқа орналасу, еңбек құқықтарын қорғау және кәсіп ашуға қатысты өтініштерін жеткізді.
Қазақстанның 30 жылдығы елді мекенінің тұрғындары көшелерге асфальт төсеу, ескі электр бағаналарын ауыстыру және қоғамдық көлік қатынасын ұйымдастыру қажеттігін айтты. Жауапты бөлімнің мәліметіне сәйкес, елді мекенді сапалы электр қуатымен қамтамасыз ету үшін екі кезеңнен тұратын жобалық-сметалық құжаттама әзірленіп жатыр.
Игілік ауылына қатысты оқушылар тасымалы мен интернет сапасы мәселелері көтерілді. Байланысты жақсарту үшін ұялы байланыс операторларына радиожоспарлау жұмыстарын жүргізу және қосымша базалық станция орнату жөнінде сұраныс жолданған.
Қаражон елді мекенінің тұрғындары көше жарығын орнату және балалар ойын алаңын салу туралы өтініш білдірді. Көшелерді жарықтандыруға қатысты аудан әкімінің тапсырмасына сәйкес әр ауылдық округте екі мың метрге дейін жарықтандыру желісін орнату жоспарланып отыр.
Қабылдауда өндіріс ашу, балық өсіруге жер бөлу, газ құю бекетін ұйымдастыру, қоғамдық көлік пен аялдама мәселелері де қозғалды. Қосымша зерделеуді қажет ететін өтініштердің шешімі құжаттарды нақтылауға, жауапты мекемелердің қорытындысына және қаржыландыру мүмкіндігіне байланысты қаралады.
Сауран ауданы әкімдігінің баспасөз қызметі21 октября 2026
САУРАН АУДАНЫНДА ЭЛЕКТР ЖЕЛІЛЕРІНІҢ ЖЫЛЫТУ МАУСЫМЫНА ДАЙЫНДЫҒЫ ҚАРАЛДЫСауран ауданында жылыту маусымына дайындық аясында электр желілері мен трансформаторлардың жай-күйі, тұрғындар мен әлеуметтік нысандарды электр энергиясымен тұрақты қамтамасыз ету мәселелері қаралды.
Аудандық тұрғын үй-коммуналдық шаруашылық және тұрғын үй инспекциясы бөлімінің баяндамасында мектептер, балабақшалар, медициналық нысандар мен ауылдық округтердегі электр жабдықтарының жағдайы туралы мәлімет берілді.
Ауылдық округ әкімдіктерінің теңгеріміндегі және иесіз трансформаторларды мемлекеттік тіркеуден өткізу, оларды «Оңтүстік Жарық Транзит» ЖШС-нің сенімгерлік басқаруына беру мәселесіне назар аударылды. Бірқатар ауылдық округ тиісті құжаттарын тапсырғанымен, қалған округтерде құжаттарды рәсімдеу жұмыстарын аяқтау қажет.
Сондай-ақ мекемелердегі электр желілері мен трансформаторларды тексеру, анықталған ақауларды актімен рәсімдеу және жөндеу жұмыстарын жүргізу жөнінде ұсыныстар айтылды.
Аталған жұмыстар жылыту маусымында электрмен жабдықтау жүйесінің тұрақты жұмысын қамтамасыз етуге бағытталған.
Сауран ауданы әкімдігінің баспасөз қызметіСоциальные сети
Меню подвал