АУДАН ӘКІМІНІҢ КЕҢЕСШІСІ ТАҒАЙЫНДАЛДЫ

Сауран ауданы әкімінің өкімімен аудан әкімінің кеңесшісі лауазымына Жұмадуллаев Мұхамеджан Ергешбайұлы тағайындалды.

Мұхамеджан Ергешбайұлы 1983 жылы 31 мамырда Түркістан қаласында дүниеге келген. 1989-1997 жылдар аралығы Түркістан қаласындағы М.Мәметова атындағы жалпы орта мектепте білім алып, 1997 жылы Шымкент қаласындағы «Кәусар» гимназиясын тәмамдаған. 2003-2008 жылдары Шымкент қаласындағы «Халықаралық Қазақ-араб» университетінің дінтану мамандығын бітірген. Еңбек жолын 2002 жылы Түркістан қаласындағы «Үш Арыс» мешітінде бас имам болған. 2004-2005 жылдары Шымкент қаласында «Дар Аль-Арқам» Құран жаттау, қариялар даярлау медресесінің құран пәні тәрбиеші ұстазы. 2005 жылы «Алмас Жол» ЖШС мекемесінде басшы, 2006-2007 жылдары «Жүк тасымалдау» мекемесінде басшы қызметтерін атқарған.

2007-2008 жылдары «Югдорсервис» ЖШС бөлім басшысы, 2008-2009 жылдары Түркістан қаласындағы №21 кәсіптік лицейінде экономика пәнінің мұғалімі болды. 2009-2010 жылдары Алматы қаласындағы «Абу Ханифа» медресесінде шәкірт, тәлімгер, 2010-2011 жылдары Астана қаласында Сыртқы істер министрлігі «Астана қаласының эксплуатациялық ғимараттар бөлімшесі» қызметінің сарапшысы қызметін атқарды.

2011-2012 жылдары Сыртқы істер министрлігі «Дипломатиялық корпусқа қызмет көрсету басқармасы» бас сарапшысы, 2012-2015 жыл аралығы Иран Ислам Республикасының Қазақстандағы Елшілігінің мәдениет орталығы өкілінің аудармашысы және көмекшісі болды. 2015-2019 жылдары жеке кәсіпкер. 2019-2020 жылдары «Қазақстан мұсылмандары діни басқармасы» Түркістан облысы, Түркістан қаласы «Хилует» орталық мешітінің наиб имамы. 2020 жылы 5 наурызынан бастап, Түркістан қаласындағы «Нәзір Төреқұлов» мешітінің бас имамы болды. 2020-2021 жылдары ҚМДБ Түркістан облысының «Яссауи» орталық мешітінің наиб имамы, 2021 жылдың 22 қазан айынан наурыз айының 13-не дейін Түркістан қаласының бас имамы қызметін атқарған.