Түркістан облысы, Сауран ауданы, Қарашық ауылдық округі әкімінің сайлауына үміткер Бабаханов Илес Зияитдинович
Өмірбаяны
Бабаханов Илес Зияитдинович 21.04.1992 жылы Оңтүстік Қазақстан облысы, Түркістан қаласы, Жүйнек ауылында дүниеге келген. 2012-2014 жылдары «Жүйнек-су» СТК-нің есепшісі, 2014-2017 жылдары «Жүйнек ауыл округ әкімі аппараты» мемлекеттік мекемесінде іс қағаздарын жүргізу жөніндегі статистика инспекторы қызметін атқарған. 2017-2020 жылдары «Шамшырақ» МКК балабақшасында есепші, 2020 жылдан Жүйнек ауылдық округі әкімі аппараты мемлекеттік мекемесінде бас маман қызметін атқарып келеді.
Бағдарламасы
- Қарашық қалашығы төңірегінде туристік бағдарламалардың жасалуына күш саламын;
- Қарашық ауылының кенті, қала статусын алуына ықпал жасай отырып, оның жобасын жасатуға тырысамын;
- Президент саясатын белсене жүргізе отырып, ел арасында оның кең көлемде таралуына, насихатталуын басты міндетім деп білемін;
- Елдің бірлігін, ынтымағын ұйыстыра отырып, ұлтаралық қатынастың дамуына мүдделі боламын;
- Қарашық елді мекенінде инфраструктураның дамуын өзімнің міндетім деп түсінемін;
- Елді мекенде қоғамдық көліктің ашылуын, орта оқу орындарында білім сапасының артуын бақылауға аламын;
- Халыққа қызмет көрсету орындарының жұмысының сапалылығын назарда ұстаймын;
- Қарашық елді мекен тұрғындарының әл – ауқатын жақсартуға күш саламын.