«Ашық НҚА» порталында сауда базарларының қызметін ұйымдастыру қағидаларына, аумақты күтіп-ұстауға, сауда нарығын жабдықтауға және жарақтандыруға қойылатын талаптарға өзгерістер енгізу туралы» Үкімет қаулысының жобасын орналастыру туралы

«Қазақстан Республикасының кейбір заңнамалық актілеріне Мемлекет басшысының жекелеген тапсырмаларын іске асыру мәселелері бойынша өзгерістер мен толықтырулар енгізу туралы» 2022 жылғы 30 желтоқсандағы ҚР Заңын (бұдан әрі - Заң) іске асыру үшін Сауда комитеті сауда базарларының қызметін ұйымдастыру қағидаларына, аумақты күтіп-ұстауға, сауда нарығын жабдықтауға және жарақтандыруға қойылатын талаптар (бұдан әрі-Қағидалар) жобасын әзірледі.

2023 жылғы 17 ақпанда қағидалар жобасы «Ашық НҚА» порталында орналастырылды.

Жоба қабылданған Заңға қатысты бірқатар жаңалықтарды қарастырады:

- сауда нарықтарының сызбаларын құрудың біркелкілігіне келтіру мақсатында әкімшілік аймақ, қойма аймағы, экспликация ұғымдары енгізіледі;

- сауда нарығының регламенті мен қосымша қызметтер тізбесін бекіту мазмұны мен рәсіміне нақты талаптар белгіленді, бұл тетіктер нарық әкімшілігі көрсететін жалдау құны мен қызметтерге баға белгілеудің ашықтығын қамтамасыз етуге мүмкіндік береді;

- «жауапкершіліктің бұлыңғырлығын» жою мақсатында сауда нарығының әкімшілігіне және оның иесіне (иегеріне) қойылатын талаптар белгіленді. Нарық әкімшілігі сауда нарығы регламентінің сақталуына мониторингті жүзеге асыратын болады.

-QR-код арқылы ақпараттық жүйе арқылы жалға алушылардың ұсыныстарын жинау және қарау тетігі енгізіледі.