Алматыда Кәсіпкерлер Палатасының өкілдерімен бағаны бірлесіп талдау және түсіндіру жұмыстары жүргізілді

Алматы қаласының Сауда департаменті Алматы қаласы Кәсіпкерлер Палатасы өкілдерінің қатысуымен қаланың сауда объектілерінде әлеуметтік маңызы бар азық-түлік тауарларының бағасына талдау жүргізді, сондай-ақ әлеуметтік маңызы бар азық-түлік тауарлары бағасының өсуіне жол бермеу үшін түсіндіру жұмыстарын жүргізді.

Түсіндіру жұмыстары барысында сауда объектілерінің жауапты тұлғаларына «Сауда қызметін реттеу туралы» Қазақстан Республикасы Заңының 9-бабына сәйкес ішкі сауда субъектісі әлеуметтік маңызы бар азық-түлік тауарына өндірушінің босату бағасының немесе көтерме жеткізушінің сатып алу бағасының он бес пайызынан аспайтын шекті сауда үстемесінің мөлшерін белгілейтіні туралы ақпарат жеткізілді.

Бұдан басқа, әлеуметтік маңызы бар азық-түлік тауарларына шекті сауда үстемесінің мөлшері 15% - дан астам арттырған жағдайда субъект ҚР ӘҚБтК-нің 204-4-бабына сәйкес жауапқа тартылатыны түсіндірілді.

Қазақстан Республикасы Үкіметінің 2010 жылғы 01 наурыздағы №145 Қаулысымен бекітілген әлеуметтік маңызы бар тауарлар тізбесіне өнімнің 19 түрі кіреді, атап айтқанда:

Бірінші сортты ұннан жасалған *бидай ұны*	*Рожки* (салмағы өлшенетін)
Бірінші сұрыпты бидай ұнынан пісірілген нан	Күріш (салмағы өлшенетін)
*Сиыр еті* (сүйекті жауырын- кеуде бөлігі)	*Карто*п
*Тауық еті* (жамбас және іргелес жұмсақ еті бар жіліншік)	*Асханалық сәбіз*
*Пастерленген сүт* майлылығы 2,5% жұмсақ пакеттегі	*Пияз*
*Сары май* (тұзсыз, майлылығы 72,5% кем емес, толтырғышсыз және өсімдік майсыз)	*Ақ қырыққабат* *Сүзбе* майлылығы 5-9%
*Айран* майлылығы 2,5% жұмсақ пакеттегі	*Ақ қант-құмшекер*
*Қарақұмық жармасы* (ядросы, салмағы өлшенетін)	*Күнбағыс майы*
*Ас тұзы* (экстрадан басқа)	*Тауық жұмыртқасы* (бірінші санат)