Солтүстік Қазақстан облысында әлеуметтік маңызы бар тауарлардың бағасын ұстап тұру жұмыстары жалғасуда

Қазақстан Республикасы Сауда және интеграция министрлігі Сауда комитетінің Солтүстік Қазақстан облысы бойынша Сауда департаментінің қызметкерлері әлеуметтік маңызы бар азық-түлік тауарларына рұқсат етілген шекті сауда үстемесі бойынша түсіндіру жұмыстарын  жүргізді.

Түсіндіру жұмыстары барысында «Сауда қызметін реттеу туралы" Қазақстан Республикасы Заңының 9-бабының талаптары негізінде сауда объектілерінің иелеріне әлеуметтік маңызы бар азық-түлік тауарларына сауда үстемесін өндірушінің босату бағасынан немесе көтерме жеткізушінің сатып алу бағасынан 15% - дан астам асуына жол бермеуі түсіндіріліп,   жадынамалар табыс етілді.

Сондай-ақ, сауда департаментінің қызметкерлері әлеуметтік маңызы бар азық-түлік тауарларына  сауда үстемесі ұлғайған жағдайда Қазақстан Республикасының Әкімшілік құқық бұзушылық туралы Кодексінің 204-4-бабына сәйкес жауапкершілік көзделгенін хабарлады.