Биыл республикалық маңызы бар автомобиль жолдарын орташа және күрделі жөндеумен шамамен 7 мың шақырымға дейін қамту жоспарланып отыр. Бұл өткен жылмен салыстырғанда айтарлықтай көп, өйткені былтыр шамамен 5 мың шақырым жол жөнделген болатын.

Өткен жылы басталған жобалар биыл да жалғасын табады. Олардың қатарында ірі жобалар ретінде «Жезқазған – Петропавл», «Қарағанды – Аягөз – Бөгес», «Қандыағаш – Шалқар – Ырғыз» жолдары бар.

Сонымен қатар, биыл жаңа жобаларды іске асыру басталады. Олардың қатарында «Қарабұтақ – Рудный – Қостанай», «Атырау – Орал» және «Астана – Қорғалжын» жол учаскелері бар.

Ең ауқымды жұмыстар Солтүстік Қазақстан, Ақмола және Абай облыстарында жоспарланған.