БАСПАСӨЗ РЕЛИЗІ
2023 жылғы 20 сәуірде тексеру комиссиясының отырысында «ҚР ІІМ Шығыс Қазақстан облысының полиция департаменті» ММ бөлінген бюджет қаражатын пайдалану тиімділігіне жүргізілген мемлекеттік аудит қорытындылары қаралды.
Аудиторлық іс-шараның қорытындылары бюджеттік процесті жетілдіруге және қаржылық тәртіпті жақсартуға бағытталған шаралар тиімділігінің жеткіліксіздігін сипаттап берді.
Қамтылған қаражаттың жалпы сомасы 9 181 205,6 мың теңгеден жалпы сомасы 223 982,9 мың теңгенің немесе қамтылған бюджет қаражаты мен мемлекет активтері көлемінің 2,4%-ы мөлшерінде бұзушылықтар анықталды, оның ішінде:
1) қаржылық бұзушылықтар - 28 774,5 мың теңге немесе анықталған бұзушылықтар сомасының 12,8%-ы, оның ішінде бюджет түсімдері бойынша 21 020,8 мың теңге;
2) бюджет қаражатын тиімсіз жоспарлау – 105 240,0 мың теңге немесе 47,0%;
3) бюджет қаражаты мен мемлекет активтерін тиімсіз пайдалану – 89 968,4 мың теңге немесе 40,2%.
5 рәсімдік бұзушылық және 2 жүйелік проблема мен кемшіліктер анықталды.
Аудиторлық іс-шараны жүзеге асыру барысында бюджетке 22 140,8 мың теңге өтелді, есепке алу бойынша 6 633,7 мың теңге қалпына келтірілді.
Отырыс қорытындысы бойынша аудит объектісіне қарау және шаралар қабылдау үшін аудиторлық қорытынды жолданды.
Сонымен қатар, аудит материалдары құзыреттілігі шеңберінде қарау үшін Ішкі мемлекеттік аудит департаментіне берілді.