Шығыс Қазақстан облысы бойынша тексеру комиссиясының 2015-2019 жылдарға арналған перспективалық жоспары

Құрылымы

 

Кіріспе

Тексеру комиссиясының қызметін тиімді ұйымдастыру елімізде жүргізіліп жатқан саяси, экономикалық және әлеуметтік реформалар жағдайында ұзақ мерзімді мақсаттарды және стратегиялық бағыттарды дұрыс белгілеумен байланысты.

Перспективалық жоспарлауды енгізу Тексеру комиссиясының миссиясын мемлекет үшін максималды пайдамен және жұртшылық үшін ашықтықпен іске асыруға деген ұмтылыстан туындап отыр.

Қазіргі кезеңдегі перспективалық жоспарлау мемлекеттік аудитті енгізуге және Қазақстан Республикасының бюджет саясатына сәйкес  мемлекеттік қаржылық бақылауды әрі қарай дамытуға көзделген.

Осы Перспективалық жоспар Тексеру комиссиясы қызметінің бес жылға арналған негізгі стартегиялық бағыттарын белгілейді.

 

I. ҚЫЗМЕТ НЕГІЗДЕРІ

Тексеру комиссиясы жергілікті бюджеттің атқарылуына сыртқы мемлекеттік аудитті және қаржылық бақылауды жүзеге асыратын мемлекеттік орган болып табылады.

Тексеру комиссиясының негізгі міндеттері мыналар:

- жергілікті деңгейде жергілікті бюджеттердің атқарылуына және квазимемлекеттік сектор субъектілерінің бюджет қаражаттарын және мемлекет активтерін пайдалануына сыртқы мемлекеттік аудитті және қаржылық бақылауды жүзеге асыру;

- жергілікті бюджеттерді атқару, квазимемлекеттік сектор субъектілерінің бюджет қаражаттарын және мемлекет активтерін пайдалануы салаларында Қазақстан Республикасының бюджеттік заңнамасы, Қазақстан Республикасының мемлекеттік сатып алу туралы заңнамасы және Қазақстан Республикасының өзге нормативтік құқықтық актілері талаптарының орындалуын бақылау;

- жергілікті бюджеттердің атқарылуын, аумақтарды дамыту бағдарламаларының және бюджеттік бағдарламалардың іске асырылуын талдау және бағалау болып табылады.

 

II. МИССИЯСЫ және МАҚСАТЫ

Тексеру комиссиясының миссиясы Шығыс Қазақстан облысының аумағында қаржылық тәртіпті нығайту және экономикалық тұрақтылықты қамтамасыз ету мақсатында жергілікті бюджет қаражаттарын, мемлекет және квазимемлекеттік сектор субъектілерінің активтерін басқару және пайдалану тиімділігін арттыру болып табылады.

 

III. АҒЫМДАҒЫ ЖАҒДАЙДЫ БАҒАЛАУ

Қазіргі уақытта тексеру комиссиясының қызметі мемлекеттік аудит жүйесін дамыту кезеңінде жүзеге асырылуда. Барлық мемлекеттік аудиторларды дайындау және сертификаттау жөніндегі жұмыс жүргізілді. Басқарушылық процестерді оңтайландыру үшін мемлекеттік аудит және қаржылық бақылау жүргізу кезінде мемлекеттік аудит органдарының бірыңғай біріктірілген ақпараттық жүйесі қалыптастырылады. Есеп комитеті тарапынан әдіснамалық үйлестіру күшейтіліп, құқықтық база әзірленді және жетілдірілуде.

Тексеру комиссиясының алдында қызмет тиімділігін арттыру бойынша жаңа міндеттер тұр.

 

Әдіснамалық және құқықтық негіздер

Мемлекеттік аудитті енгізу заңнама әзірлеуді және қолданыстағы заңнаманы, сондай-ақ әдіснамалық құжаттарды елеулі түрде қайта қарауды талап етті.

Мемлекеттік аудитті жетілдіру шеңберінде Тексеру комиссиясы Есеп комитетінің норматвитік және әдіснамалық құжаттарына өзгертулер мен толықтырулар енгізу үшін ұсыныстар береді, семинарларға және Үйлестіру кеңесінің қызметіне қатысып отырады.

 

Аудиторлық қызмет

Тексеру комиссиясының аудиторлық қызметі негізгі функциялардың бірі ретінде жоспарлау кезеңінен бастап аудит нәтижелерін шығаруға және Тексеру комиссиясы қабылдаған шешімдердің орындалуын мониторингілеуге дейін жүйелендірілген. Аудиторлық қызметті жүзеге асыру Есеп комитетінің 2015 жылғы 30 қарашадағы «Облыстардың, республикалық маңызы бар қалалардың, астананың тексеру комиссияларының сыртқы мемлекеттік аудит және қаржылық бақылау жүргізу қағидасын бекіту туралы» № 17-НҚ нормативтік қаулысымен (бұдан әрі Ереже) және жоспарлау кезінде қолданылатын тәуекелдерді басқарудың үлгілік жүйесімен реттеледі.

Қолданыстағы мемлекеттік қаржылық бақылау жүйесі бюджет қаражаттарын тиімсіз пайдаланудың алдын алуды қамтамасыз етуге және жергілікті бюджетті атқару процесінде болдырмауға мүмкіндік береді.

 

Тексеру комиссиясы шешімдерінің орындалу мониторингі

Тексеру комиссиясы жүргізетін аудиторлық іс-шаралардың қорытындысы бойынша тиісті ұйымдар және лауазымды адамдар орындауға міндетті аудиторлық қорытындылар және нұсқамалар түріндегі шешімдер қабылданады.

Олар көпшілік жағдайда ұсыныс сипатына ие және жүйелі, соның ішінде аудит объектісінің қызметін ұйымдастырумен және заңнаманың олқы тұстарымен байланысты проблемаларды және кемшіліктерді шешуге бағытталмаған.

Нәтижесінде жекелеген мемлекеттік органдар, бюджеттік бағдарламалар әкімшілері жылдан жылға бір бұзушылықтарды қайталайды, бюджеттік заңнаманы бұзушылықтар себептерін жоюда селқостыққа жол береді.

 

Адами капиталды басқару

Тексеру комиссиясының кадрлық құрамы экономиканың түрлі салаларының мамандарынан құралған.

Сондай-ақ, Тексеру комиссиясының қызметшілері  заңнаманың серпінді өзгеріп отыруы жағдайында өздерінің дайындық деңгейін тұрақты арттыруды және практикалық дағдыларын қалыптастыруды қажет етеді.

Мемлекеттік аудит туралы заңнама талаптарына сәйкес мемлекеттік аудит біліктілігін алуға үміткер адамдарды сертификаттау жөніндегі Ұлттық комиссияда әңгімелесуден нәтижелі өткен жұмыс істеп жүрген қызметкерлердің мемлекеттік аудитор сертификаты бар.

Сонымен бірге, Тексеру комиссиясына жұмыс істеп жүрген қызметкерлер біліктілігін арттырудың тұтас жүйесін дайындау және халықаралық стандарттар талаптарына жауап беретін кәсібилігі жоғары кадрларды іріктеу жөніндегі жұмысты уақтылы өткізу қажет.

 

Тексеру комиссиясының мемлекеттік органдармен өзара әрекеттестігі

«Мемлекеттік аудит және қаржылық бақылау туралы» Қазақстан Республикасының Заңына сәйкес Тексеру комиссиясы есепті кезеңдегі өз жұмысы туралы  ақпаратты ұсыну, параллель (бірлескен) тексерулер жүргізу арқылы Есеп комитетімен; мазмұны бойынша жергілікті атқарушы органның тиісті есебіне қорытынды болып табылатын жыл сайынғы жергілікті бюджеттің атқарылуы туралы есепті ұсыну арқылы тиісті әкімшілік аумақтық бірліктер мәслихаттарымен өзара әрекеттестікті жүзеге асырады.

Өз қызметтерінде олардың қайталануын болдырмау үшін Тексеру комиссиясы тиісті қаржылық жылға арналған мемлекеттік аудит объектілері тізбесінің жобаларын қалыптастыру тәртібін белгілейтін мемлекеттік аудит және қаржылық бақылау органдарының өзара әрекеттесті қағидасына сәйкес бекітілген тізбелерді және аудит нәтижелерін Есеп комитетімен, ШҚО бойынша ішкі мемлекеттік аудит жөніндегі уәкілетті органмен алмасуды жүзеге асырады.

Сонымен қатар, Қағидаға сәйкес прокуратура органдарымен, құқық қорғау органдарымен және әкімшілік және қылмыстық құқық бұзушылықтар туралы істерді қозғауға және (немесе) қарауға уәкілетті органдармен өзара әрекеттестік жүзеге асырылады.

 

Жұртшылықпен байланыс

Ашықтық кезкелген мемлекеттік аудит және қаржылық бақылау (бұдан әрі – МАжҚБ) органы жұмысының негізін қалаушы болып табылады, ол жұртшылықтың бюджет қаражаттарын пайдалану және мемлекет мүлкін басқару бойынша сыртқы тәуелсіз бағалауды алуын қамтамасыз етеді.

Тексеру комиссиясы аудиторлық іс-шаралар қорытындыларын, жергілікті бюджеттің атқарылуына жүргізілетін жыл сайынғы бағалау нәтижелерін жария ету бойынша белсенділік таныту керек. Бұл мақсатта тексеру комиссиясының меншікті веб-сайты әзірленіп, онда аудиторлық, сараптау-талдамалық қызмет туралы айдарлар тұрақты жұмыс істейді және жаңартылып тұрады, отырыстарды өткізу қорытындылары жарияланады, сонымен қатар қызмет нәтижелері облыстық мерзімді баспаларда жарияланады.

 

Қорытынды

Преспективалық жоспарды іске асыру жергілікті бюджеттің атқарылуына сыртқы мемлекеттік аудитті және қаржылық бақылауды тиімді жоспарланған және сапалы деңгейде жүргізуді қамтамасыз етуге мүмкіндік береді, сондай-ақ Тексеру комиссиясының сараптау-талдамалық және аудиторлық қызметін жүргізудің айқындылығын қамтамасыз етеді.

Перспективалық жоспар Тексеру комиссиясының алдағы жылдық жоспарларын әзірлеуге негіз болады.

 

 

 

2015-2019  жылдарға арналған перспективалық жоспар ШҚО бойынша тексеру комиссиясының перспективалық жоспарын іске асыру жөніндегі іс-шаралар жоспары

 

 

Аббревиатуралардың таратылып жазылуы

ТК – тексеру комиссисы

ТЖжМБ – талдау, жоспарлау және мониторинг бөлімі

СПжҚЖБ – сапаны бақылау және құқықтық жұмыс бөлімі

ҰҚБ – ұйымдастыру-қаржы бөлімі

БДБ – бірыңғай деректер базасы

ТБЖ – тәуекелдерді басқару жүйесі