2025 жылдың 9 айында 36 объектіде 6 аудиторлық және 1 сараптамалық-талдау іс-шарасы өткізілді, оның ішінде Қазақстан Республикасының жоғары аудиторлық палатасымен екі қатарлас тексеру жүргізілді.
Аудитпен 117 670,2 млн. теңге қамтылды. 11 170, 8 млн.теңге сомасына бұзушылықтар анықталды, оның ішінде қаржылық бұзушылықтар – 205,3 млн. теңге (1,8%), тиімсіз пайдаланылған мемлекет активтері – 455,2 млн. теңге (4,1%), тиімсіз жоспарлау – 10 510,2 млн. теңге (94,1%).
Жергілікті бюджеттен 0,1 млн. теңге, бюджет қаражатын пайдалану кезінде 1,1 млн. теңге шығын анықталды. Сонымен қатар, 248 процедуралық бұзушылық, 4 кемшілік анықталды.
Қаржылық бұзушылықтар сомасынан – 196,0 млн.теңге (95,5%) қалпына келтірілді (өтелді). Қалпына келтірілмеген (өтелмеген) соманың қалдығы 9,3 млн. теңгені құрады.
2025 жылғы қаңтар-қыркүйекте жүргізілген аудиторлық және сараптамалық-талдау іс-шараларының қорытындысы бойынша 6 ұсыным және 57 тапсырма берілді, оның ішінде 5 ұсыным және 38 тапсырма орындалды, 1 ұсыным және 4 тапсырма орындалмауына байланысты бақылаудан алынды, қалған 11 тапсырма бойынша орындау мерзімі басталған жоқ, 4 тапсырма бойынша аудит объектілері орындамаған орындау бойынша шаралар қабылданды.
Есепті кезеңде 145 адам жауапқа тартылды,оның ішінде қылмыстық – 1, әкімшілік – 106, тәртіптік – 38. 16,2 млн. теңге сомасына айыппұл салынды.