Қызылорда облысы бойынша тексеру комиссиясының төрағасы Мұса Оспанұлының төрағалығымен сыбайлас жемқорлыққа жол бермеу, оның алдын алу және негізгі жұмыс бағыттары тақырыбында жиын өткізілді. Жиынға тексеру комиссиясының мүшелері, мемлекеттік аудиторлар мен барлық қызметкерлері қатысты.
Жиында, аппарат басшысы – Әдеп жөніндегі уәкіл Б. Пшанов «Қазақстан Республикасы мемлекеттік қызметшілерінің әдеп кодексінің талаптарын сақтау және қоғамда теріс пікір туғызбау мәселелері» бойынша, персоналды басқару қызметі бөлімінің басшысы А. Сәлімжан «Сыбайлас жемқорлыққа жол бермеу, оның алдын алу шаралары» бойынша баяндама жасады және арнайы дайындалған бейне роликтер мен слайдтар көрсетілді.
Сондай-ақ, тексеру комиссиясының негізгі жұмыс бағыттары бойынша бағалау және сапа бақылауы бөлімінің басшысы Ж.Аханова баяндама жасады.
Жиын қорытындысымен, Мұса Оспанұлы 2023 жылға арналған «Сыбайлас жемқорлыққа қарсы іс-қимыл жөніндегі іс-шаралар» жоспарын бекітуді және бірқатар жұмыстарды атқаруды тапсырды.