Әзірлеуші мемлекеттік орган - Қазақстан Республикасының Мемлекеттік қызмет істері агенттігі.
«Құқық қорғау органдары лауазымдарының санаттарына қойылатын үлгілік біліктілік талаптарын бекіту туралы» Қазақстан Республикасының Мемлекеттік қызмет істері агенттігі Төрағасының
2020 жылғы 13 сәуірдегі № 67 бұйрығына өзгеріс енгізу туралы» бұйрық жобасы Құқық қорғау органдары лауазымдарының санаттарына қойылатын үлгілік біліктілік талаптарына өзгерістер енгізуді қамтиды.
Атап айтқанда:
1) Қазақстан Республикасы Президентінің 2021 жылғы 28 қаңтардағы №501 Жарлығы мен Қазақстан Республикасы Үкіметінің 2021 жылғы
26 ақпандағы №98 қаулысына сәйкестендіру (Қаржы министрлігі Қаржы мониторингі комитеті таратылып, Қазақстан Республикасының Қаржы мониторингі агенттігі құрылды);
2) Қазақстан Республикасы Ішкі істер министрлігінің полиция бөлімдері қызметшілерінің мәртебесін көтеру мақсатында салыстырмалы кестеде көрсетілген өзгерістер енгізу;
3) мемлекеттік тілдегі үлгілік біліктілік талабы тармағының реттік санын редакциялық түзету.
Жоба бойынша қаржы шығындарының қажеттігі жоқ.
Жоба қабылданған жағдайда әлеуметтік-экономикалық, құқықтық және (немесе) өзге салдар, сондай-ақ жоба ережелерінің ұлттық қауіпсіздікті қамтамасыз етуге теріс ықпалы жоқ деп болжанады.
Нормативтік құқықтық актінің жобасы мемлекеттік органның интернет-ресурсында, сондай-ақ ашық нормативтік құқықтық актілердің интернет-порталында орналастырылды – 08.11.2023, 333 кбайт.
Орналастырылған бұйрық жобасына сілтеме: https://legalacts.egov.kz/npa/view?id=14789250