Шымкент қалалық Полиция департаменті
орта басшы құрамының бос лауазымдарына
орналасуға конкурс жариялайды
Ішкі істер органдарына орта басшы және кіші басшы құрамына жұмысқа шақырамыз.
Ішкі істер органдарында қызмет өткерудің артықшылықтары:
- жұмыс берушінің есебінен алғашқы оқыту және біліктілікті арттыру;
- қызмет өтіліне және арнаулы атағына байланысты лауазымдық жалақының
артуымен тұрақты және уақтылы жалақы;
- сауықтыруға арналған жәрдемақы, мансаптық өсу;
- ведомстволық емдеу мекемелерінде тегін медициналық қызмет көрсету;
- арнаулы атағына байланысты 48 жастан бастап зейнетке шығу (ішкі істер органдарында кемінде 12 жыл 6 ай үздіксіз қызмет өткеру кезінде).
Талаптар: жасы 35-тен аспаған, бойы кемінде 170 см., білімі орта (қатардағы құрамның лауазымына) және жоғары (қызмет бағытына байланысты басшы құрамның лауазымына), Мемлекеттік қызмет істері агенттігі уәкілетті органы беретін тестілеуден өту туралы сертификаттың бар болуы, денсауық жағдайы бойынша жарамдылығы (әскери-дәрігерлік комиссиясы анықтайды).
Толық ақпаратты алу үшін: (8-7252)97-65-05, 97-66-96, 97-67-01 телефондарына, e-mail: asyl_pd08@mail.ru электрондық мекенжайы, Шымкент қаласы Полиция департаменті, Желтоқсан көш. 13, бойынша жүгіну қажет.
1.Шымкент ҚПД Абай ауданы Полиция басқармасы жергілікті полиция қызметі бөлімі ювеналдық полиция бөлімшесінің кәмелетке толмағандардың істері жөніндегі учаскелік полиция инспекторы (C-SVR-8 санаты 1-бірлік);
2.Қаратау ауданы Полиция басқармасы жергілікті полиция қызметі бөлімі ювеналдық полиция бөлімшесінің кәмелетке толмағандардың істері жөніндегі учаскелік полиция инспекторы (C-SVR-8 санаты 1-бірлік);
Конкурсқа қатысушыларына арналған біліміне қойылатын талаптар: Осы санаттар бойынша лауазымдық міндеттерін орындау үшін қажетті білім.
Білімі бойынша: Заңтану, Құқық, Құқық қорғау қызметі, Халықаралық құқық, Халықаралық қатынастар, Шет тілі: екі шет тілі, Аударма ісі, Кеден ісі, Автоматтандыру және басқару, Ақпараттық жүйелер, Ішкі істер органдарына арналған ақпараттық жүйелер, Есептеу техникасы және бағдарламалық қамтамасыз ету, Көлік, көлік техникасы және технологиясы, Медициналық-профилактикалық іс, Қоғамдық денсаулық сақтау, Алғашқы әскери даярлық, Дене шынықтыру және спорт, Информатика, Информатика, есептеу техникасы және басқару, Математикалық және компьютерлік модельдеу, Радиотехника, электроника және телекоммуникациялар, Ішкі істер органдарына арналған радиотехника, электроника және телекоммуникациялар, Көлік құрылысы, Тасымалдауды, қозғалысты ұйымдастыру және көлікті пайдалану, Көліктегі қозғалысты басқару мен тасымалдауды ұйымдастыру, Көлік қызметі, Жол қозғалысын ұйымдастыру, Педагогика және психология, Ішкі істер органдарына арналған педагогика және психология, Әлеуметтік педагогика және өзін-өзі тану, Психология, Бастауыш оқытудың педагогикасы мен әдістемесі, Тіршілік қауіпсіздігі және қоршаған ортаны қорғау, Аңшылық және аң шаруашылығы, Балық шаруашылығы және өнеркәсіптік балық аулау, Орман ресурстары және орман шаруашылығы, Автожол мамандықтары бойынша.
Функционалдық міндеттері: Кәмелетке толмағандардың құқықтарын, бостандықтары мен заңды мүдделерін қылмыстық және өзге де құқыққа қарсы қол сұғушылықтардан қорғау, оларды кемсітудің барлық түрлерінен, физикалық немесе психикалық зорлық-зомбылықтан, қорлаудан және дөрекі қарым-қатынастардан қорғауды қамтамасыз етеді. Кәмелетке толмағандардың заңға мойынсұнушылық мінез-құлқын қалыптастырады. Кәмелетке толмағандарды құқық бұзушылық жасауға тарту анықтайды және олардың жолын кеседі.
Құжаттарды қабылдау конкурс өткізу туралы хабарландыру жарияланған сәттен бастап он жұмыс күні ішінде жүзеге асырылады.
Ниет білдірген азаматтар, Шымкент қаласы Желтоқсан көшөсі 13 ғимаратта орналасқан Шымкент ҚПД Кадр саясаты басқармасы қызметкерлеріне қолма-қол тәртіпте құжаттарды қабылдаудың белгіленген мерзімдерінде төменде көрсетілген құжаттарды өткізеді.
Конкурсқа қатысу үшін мынадай құжаттар тапсырылады:
1) осы Қағидаларға 1-қосымшаға сәйкес нысан бойынша өтiнiшті;
2) осы Қағидаларға 2-қосымшаға сәйкес нысан бойынша сауалнаманы;
3) Қазақстан Республикасы Ішкі істер министрінің 2015 жылғы 7 желтоқсандағы № 1000 бұйрығымен бекітілген ІІО-ға қызметке (оқуға) қабылданатын кандидаттарды іріктеу және алдын ала зерделеуді жүзеге асыру қағидаларына (Нормативтік құқықтық актілерді мемлекеттік тіркеу тізілімінде № 12555 болып тіркелген) (бұдан әрі – Іріктеу қағидалары) сәйкес нысан бойынша кадр есебi бойынша толтырылған жеке iс парағын;
4) Іріктеу қағидаларына сәйкес нысан бойынша өз қолымен жазылған және басылған түрде толық толтырылған өмірбаянды;
5) бiлiмi туралы құжаттардың нотариалды куәландырылған көшiрмелерiн;
6) еңбек қызметін растайтын құжаттардың нотариалды куәландырылған көшiрмесiн (болған кезде);
7) әскери билеттің немесе шақыру учаскесіне тіркелгені туралы куәлігінің нотариалды куәландырылған көшiрмесiн (қолда бар болса);
8) кандидаттың соңғы жұмыс (оқу) орнынан немесе әскери қызметін өтеген әскери бөлімнен мінездемені;
9) 3х4 см өлшемдегі төрт фотосуретті;
10) Қазақстан Республикасы азаматының жеке басын куәландыратын құжаттың көшірмесін;
11) Қазақстан Республикасы Бас прокурорының 2018 жылғы 27 ақпандағы №29 бұйрығымен бекітілген (Нормативтік құқықтық актілерді мемлекеттік тіркеу тізілімінде № 16667 болып тіркелген) Қылмыстық құқық бұзушылықтар жасаған, қылмыстық жауаптылыққа тартылатын адамдардың, қылмыстық құқық бұзушылық жасағаны үшін қылмыстық жауаптылыққа тартылған адамдардың арнайы есебін, ұстап алынған, күзетпен ұсталатын және сотталған адамдардың дактилоскопиялық арнайы есебін жүргізу және пайдалану қағидаларына сәйкес нысан бойынша Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша адамның қылмыстық бұзушылықты жасағаны туралы мәліметтердің бар-жоғы туралы анықтаманы;
13) конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалаудан өткені туралы жарамды қорытындыны (не қорытындының нотариалдық куәландырылған көшірмесін);
14) біліміне, жұмыс тәжірибесі мен кәсіби деңгейіне қатысты қосымша ақпарат (біліктілігін арттыру, ғылыми (академиялық) дәрежелер мен атақтар беру туралы, спорттық жетістіктерін дәлелдейтін құжаттардың, мінездемелердің, ұсынымдардың, ғылыми жарияланымдардың және тағы басқаларының көшірмелерін) (болған кезде) тапсырады.
15) екі данада өзіне және жұбайына кірістер мен мүлкі туралы декларация тапсырғаны туралы анықтамалар.
Құжаттар пакетін толық ұсынбау оларды қараудан бас тарту үшін негіз болып табылады;