Нарбаев Ерік Жетайұлы

НАРБАЕВ ЕРІК ЖЕТАЙҰЛЫ   

(1952-1979)

Нарбаев Ерік 1952 жылдың 3 ақпанында Целиноград облысы Краснознаменск ауданы  Жұлдыз совхозында дүниеге келген. 1974 жылы Алматыдағы арнай орта милиция мектебін бітіргеннен кейін Шымкент қаласына  жолдамамен келіп,  мемлекеттік автоинспекция  инспекторы қызметінен бастаған. Жас милиционер алғашқы күннен бастап қызметте өзін тиянақты, білімді және бойында зор адамгершілігі бар азамат ретінде таныта білді.

1979 жылдың күз айының  соңында милиция аға лейтенанты Нарбаев   60 жолаушы автобусын алып жүруге тапсырма алған. Шымкенттің  2 мыңдай жұмысшысы мақта жинаушыларға өнімді жинауға көмекке сенбілікке бара жатқан еді.    Автоколоннаны Ерік Нарбаев милиция көлігімен басқарып келе жатқан.

...Кенеттен бензовоз бұрылыстан шыға келіп, колоннаға қарсы сол жақ жолдан келіп қалған. Жылдамдығын бәсеңдетер емес.  Енді бір сәтте бензовоз автоколоннаға соқтығысыр еді. Аға лейтенант Нарбаев жылдамдықты басып, колоннадан оқтай атылып шығып, бензовоздың жолын кес-кестеген... Автобустағы адамдар да құтқарылды, бензовоздың ессіз жүргізушісі де еш жарақатсыз аман қалады.

Ерік өз жанын қиып, қызметтік борышын өтеу барысында осылай қаза тапты.  Батыл милиционер Темирлановка кентінде есімі аңызға айналған Қамжұқан батырдың жанында жерленді.