Сембаев Ербол Қабыкешұлы

Сембаев Ербол Қабыкешұлы

 (1971-1994)

Сембаев Ербол Қабыкешұлы Павлодар облысының Баянауыл кентінде дүниеге келді. 1988 жылы ол мектеп бітірді. 1989 жылғы қарашада Қарулы күштер қатарына шақырылды, Германияда Отан алдындағы борышын өткергенен кейін туған ауылында жүргізуші, кейін «Экибастузуголь» кәсіподағында слесарь-жөндеуші болып жұмыс істеді. 1993 жылғы тамыз айында Сембаев Е.Қ. Екібастұз қалалық ішкі істер бөлімі МАИ бөлімшесінің жол-патрульдік қызметі моторландырылған взводының инспекторы лауазымына тағайындалды.

1994 жылғы 3 ақпанда Е.Қ. Сембаев Екібастұз қаласының жанындағы МАИ стационарлық постында қызмет атқарды. Сағат 13.40-та ол Ақмола облысынан келе жатқан «КамАЗ» автокөлігін тоқтатады. Жүргізушінің құжаттарын тексеру кезінде Е.Қ. Сембаев алкогольдің иісін сезіп, оған автобуспен ауруханаға барып, куәландырудан өтуді ұсынады. Аурухана бара жатқан жолда жүргізуші өз көлігінен шыққан кезде алдын ала жасырған пышағымен автобустың алдыңғы қатарында отырған Е.Қ. Сембаевтың арқасына асхана пышағын сұғып алады. Қылмыскер жасырынуға әрекет жасағанымен, милиция қызметкерлерінің құрығынан құтыла алмады. қылмыстық жауапкершілікке тартылды. Автобус жүргізушісі жараланған Е.Қ. Сембаевты ауруханаға жеткізеді, бірақ ол сол жерде есін жия алмай қайтыс болады.

Қаза болған қызметкерлерді мәңгі есте сақтау мақсатында 2018 жылдың желтоқсан айында Павлодар қаласының саябағында қаза тапқан ішкі істер органдарының қызметкерлеріне арналған мемориал ашылды.