Қазақстан Республикасы ІІМ-нің Алматы академиясы 2020 жылғы 15 қазан

Қазақстан Республикасы ІІМ-нің жанындағы Қоғамдық кеңестің төрағасы, заң ғылымдарының докторы, профессор Қоғамов Марат Шекішұлымен кездесу.

2020 жылғы 14 қазанда қоғамдық мониторинг шеңберінде Қазақстан Республикасы ІІМ-нің жанындағы Қоғамдық кеңестің төрағасы, заң ғылымдарының докторы, профессор,  Қазақстан Республикасы ІІМ-нің еңбек сіңірген қызметкері, М.С. Нәрікбаев атындағы ҚазГЗУ Ғылыми сараптама және талдау институтының директоры Қоғамов Марат Шекішұлы Қазақстан Республикасы ІІМ-нің Мақан Есболатов атындағы Алматы академиясына барды.

Жұмыс сапары барысында М.Ш. Қоғамов Академияның профессор-оқытушылар құрамымен, сондай-ақ докторанттармен, магистранттармен, алғашқы кәсіби даярлық курсанттарымен және тыңдаушыларымен  кездесті.

М.Ш. Қоғамов сөз сөйлеуінде өзі дайындаған Қазақстан Республикасының Қылмыстық-процестік кодексіне түсіндірмелердің үшінші басылымын көрсетті, сондай-ақ ғылыми, заңнамалық және сараптамалық жұмыстағы жыйнаған жеке тәжірибесіне негізделе отырып жасалған диссертациялық зерттеу және ғылыми жұмыстардың ерекшеліктерін айтты.

Сондай-ақ жұмыс барысында ІІО-нің қызметін жаңғырту, құқық қорғау және сот жүйелерін реформалау, ІІО-ның қызметкерлері арасындағы сыбайлас жемқорлықтың алдын алу, құқық қорғау жүйесі үшін кадрлар даярлау, ІІМ-нің ведомстволық білі беру ұйымдарының профессор-оқытушылар және ғылыми қызметкерлер құрамының біліктілігін арттыру мәселелері талқыланды.