Чехоев Илья Парменович

Чехоев Илья Парменович

(1926-1974)

Илья Парменович Чехоев Грузин КСР-нің Знаурский ауданында дүниеге келген. Екінші дүниежүзілік соғыс аяқталған соң, әскерде қалып, мансабын әскери жауынгер ретінде жалғастырды. Ішкі істер органдарында қызметті 1950 жылдардан бастады. Илья Парменовичтің қызметтік бабының ауысуына байланысты 1960 жылдары Чехоевтар отбасы Целиноградқа қоныс аударды.

Илья Парменов Чехоев Целиноградта (қазіргі – Астана қаласы) кинологиялық қызметте жұмысын атқарады.

1974 жылы 1 мамыр күні бос уақытында Илья Парменович қызметтік жейдесін азаматтық жейдеге алмастырып, достарына шығады. Ол  көшеде екі кісінің дауласқанына назар аударды, олардың бірі суық қаруын шығарып қорғансыз азаматқа сұқпақ болады. Сонда Чехоев оның қауіпті қылмыскер екенін байқап, оқиға орнына келеді. Бірақ, қылмыскерді құрықтау барысында Илья Парменовичке арқа жағынан пышақ сұғады. Илья Парменович ауыр жарақатына қарамастан қылмыскермен соңына дейін алысады. Сол сәтте қылмыскер Илья Парменовичке тағы екі рет пышақ сұғады. Оның бірі өте қауіпті болып, кейін өлімге дейін алып келеді.

Чехоев қызмет барысында 8 медал және көптеген алғысхаттармен марапатталған. Оның есімімен кейін қаланың бір көшесі аталады. Чехоевтің ізін жалғастырушылар кейінгі буыннан да шықты. Оның бірі Илья Парменовтің ұлы Феликс Ильич Чехоев болды.