Жампейсов Жанболат Махметұлы

ЖАМПЕЙСОВ ЖАНБОЛАТ МАХМЕТҰЛЫ

  (1946-1981)

1981 жылдың 11 тамызында ауа райы желді болған. Екі бала, яғни ағалы-інілі Суюжановтар Сілеті су қоймасында қайықпен серуендеуге шығады. Қайықты жағадан итерген кезде, олардың біреуі қайыққа мініп үлгермейді, қайық  қатты желмен жағадан алыстап кетеді. Жағалауда қалған ағасы болған оқиға туралы Сілеті АІІБ кезекші бөліміне хабарлайды. Кезекші бөлімде болған ішкі қызмет капитаны Ж.М. Жампейсов ойланбастан оқиға орнына барған. Ержүрек капитан бірден суға секірген, алайда баланы құтқара алмаған. Сөйтіп Жампейсов ерлікпен қаза тапқан.  

Целиноград облысы Сілеті АІІБ ИГПН бастығы Ж.М.Жампейсов туралы естелік облыстық ішкі істер басқармасының мұражайында мәңгі сақталған.