Есірткі қылмысына қарсы іс-қимыл комитеті есірткі құралдарының, психотроптық заттардың және прекурсорлардың айналымы саласында орталықтандырылған түрде үш мемлекеттік қызмет көрсетеді:
- есірткі құралдарының, психотроптық заттардың және прекурсорлардың айналымына байланысты қызметті жүзеге асыруға лицензия беру (сақтау, пайдалану, сатып алу және басқа да кіші түрлері);
- құрамында есірткі құралдары, психотроптық заттар және прекурсорлар бар тауарларды экспорттау және импорттауға лицензия беру (Еуразиялық экономикалық одаққа кірмейтін үшінші елдермен сауда жасау кезінде);
- есірткі құралдарын, психотроптық заттарды және прекурсорларды әкелуге, әкетуге және транзиттеуге рұқсат беру (Еуразиялық экономикалық одаққа мүше мемлекеттер арасындағы сауда кезінде).
Барлық мемлекеттік қызметтер толық автоматтандырылған және «Е-лицензиялау» ГБД ақпараттық жүйесі арқылы электрондық форматта көрсетіледі.
Ағымдағы жылдың 12 айында электрондық форматта барлығы 774 мемлекеттік қызмет көрсетілді, оның ішінде:
- қызмет түрлеріне арналған 174 лицензия мен қосымша берілді;
- 265 экспорт және импорт лицензиясы берілді;
- бақыланатын заттарды әкелуге және әкетуге 335 рұқсат берілді.
Құжаттардың толық ұсынылмауына байланысты мемлекеттік қызметтер көрсету кезінде лицензияны қайтадан алуға өтініш беру мүмкіндігімен 536 негізделген бас тарту рәсімделді.
Мемлекеттік қызметтер көрсету саласында Қазақстан Республикасы заңнамасының талаптарын бұзу және қызмет көрсету мерзімдерін өткізіп алу фактілері анықталған жоқ.
Мемлекеттік қызметтер көрсету сапасына қатысты шағымдар түскен жоқ.