Есірткі қылмысына қарсы іс-қимыл комитеті есірткілік, психотроптық заттар және прекурсорлар айналымы саласында орталықтандырылған түрде үш мемлекеттік қызмет көрсетеді:
- Есірткі құралдары, психотроптық заттар мен прекурсорлар айналымына байланысты қызметке лицензия беру (сақтау, пайдалану, сатып алу және т.б. қосалқы түрлері);
- Құрамында есірткі құралдары, психотроптық заттар мен прекурсорлар бар тауарлардың экспорты мен импортына лицензия беру (ЕЭК құрамына кірмейтін үшінші елдермен сауда жасаған жағдайда);
- Есірткі құралдарын, психотроптық заттар мен прекурсорларды әкелуге, әкетуге және транзиттеуге рұқсат беру (ЕЭК елдері арасындағы сауда кезінде).
Барлық мемлекеттік қызметтер толық автоматтандырылған және «Е-лицензирлеу» ГБД ақпараттық жүйесі арқылы электрондық форматта көрсетіледі.
Осы жылдың 9 айында электрондық форматта 674 мемлекеттік қызмет көрсетілді, олардың ішінен берілді:
- 131 қызмет түріне арналған лицензиялар мен қосымшалар;
- 230 экспорт пен импортқа берілген лицензиялар;
- 313 бақылаудағы заттарды әкелу және шығару бойынша рұқсаттар.
Берілген құжаттардың толық болмауына байланысты мемлекеттік қызмет көрсетуге 445 негізді бас тарту рәсімделді; лицензия алу үшін қайтадан өтініш беруге мүмкіндік бар.
Қазақстан Республикасының заңнамасының бұзылуы және мемлекеттік қызмет көрсету мерзімдерін ұзарту жағдайлары тіркелген жоқ.
Мемлекеттік қызмет көрсету сапасына қатысты шағымдар түспеген.