Тиісті салалардағы азаматтардың, шетелдіктердің және азаматтығы жоқ адамдардың құқықтары мен міндеттері туралы ақпарат.

Тиісті салалардағы азаматтардың, шетелдіктердің және азаматтығы жоқ адамдардың құқықтары мен міндеттері туралы ақпарат.

Тиісті салалардағы азаматтардың, шетелдіктердің және азаматтығы жоқ адамдардың құқықтары мен міндеттері туралы ақпарат Жалпы ережелер 1-бап. Қазақстан Республикасындағы шетелдіктердің құқықтық жағдайы туралы заңнама Шетелдіктердің құқықтық жағдайы туралы Қазақстан Республикасының заңнамасы Қазақстан Республикасының Конституциясына негізделеді және оған сәйкес шетелдіктердің негізгі құқықтары мен міндеттерін, олардың Қазақстан Республикасына келу, оның аумағында болу және жүріп-тұру және Қазақстан Республикасынан кету тәртібін айқындайды. Шетелдіктердің Қазақстан Республикасындағы құқықтық жағдайы туралы заң осы Заңнан және Қазақстан Республикасының өзге де нормативтік құқықтық актілерінен тұрады. Шетелдіктердің Қазақстан Республикасындағы құқықтық жағдайы Қазақстан Республикасының халықаралық шарттарында да айқындалуы мүмкін. Егер Қазақстан Республикасы ратификациялаған халықаралық шартта осы Заңдағыдан өзгеше ережелер белгіленсе, онда халықаралық шарттың ережелері қолданылады. Ескерту. 1-бапқа өзгеріс енгізілді-ҚР 2007.01.12 № 227; 2020.05.13 № 327-VІ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) заңдарымен. 2-бап. Қазақстан Республикасындағы шетелдіктер мен азаматтығы жоқ адамдар Қазақстан Республикасының азаматтары болып табылмайтын және өзінің өзге мемлекеттің азаматтығына жататындығы туралы дәлелдері бар адамдар Қазақстан Республикасында шетелдіктер деп танылады. Қазақстан Республикасының азаматтары болып табылмайтын және өзінің өзге мемлекеттің азаматтығына жататындығы туралы дәлелдері жоқ адамдар азаматтығы жоқ адамдар деп танылады. 3-бап. Қазақстан Республикасындағы шетелдіктердің құқықтық жағдайының қағидаттары Қазақстан Республикасындағы шетелдіктердің барлық құқықтары мен бостандықтары болады, сондай-ақ Конституцияда және Қазақстан Республикасының заңдарына және Қазақстан Республикасы ратификациялаған халықаралық шарттарға сәйкес белгіленген барлық міндеттерді атқарады. Қазақстан Республикасындағы шетелдіктер шығу тегіне, әлеуметтік және мүліктік жағдайына, нәсіліне және ұлтына, жынысына, біліміне, тіліне, дінге көзқарасына, кәсібінің түрі мен сипатына қарамастан заң алдында тең. Шетелдіктердің өз құқықтары мен бостандықтарын пайдалануы Қазақстан Республикасының мүдделеріне, оның азаматтарының және басқа да адамдардың құқықтары мен заңды мүдделеріне нұқсан келтірмеуге тиіс және олардың Қазақстан Республикасының заңнамасында белгіленген міндеттерді атқаруынан бөлінбейді. Ескерту. 3-бапқа өзгеріс енгізілді-ҚР 2020.05.13 № 327-VІ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен. 4-бап. Қазақстан Республикасында тұрақты тұратын және уақытша болатын шетелдіктер Қазақстан Республикасының Ішкі істер министрлігі айқындайтын тәртіппен Қазақстан Республикасында тұрақты тұруға рұқсат алған шетелдіктер Қазақстан Республикасында тұрақты тұратындар деп танылады. Этникалық қазақтарды, Қазақстан Республикасының немесе Қазақ Кеңестік Социалистік Республикасының азаматтығында туған немесе бұрын болған адамдарды және олардың отбасы мүшелерін қоспағанда, мұндай рұқсатты алуға үміткер адамның Қазақстан Республикасының Үкіметі айқындайтын тәртіппен және мөлшерде өзінің төлем қабілеттілігін растауы Қазақстан Республикасында тұрақты тұруға рұқсат берудің міндетті шарты болып табылады. Қазақстан Республикасында өзге заңды негізде жүрген, сондай-ақ қылмыстық істер бойынша жәбірленуші, куә, күдікті немесе айыпталушы деп танылған шетелдіктер сот үкімі күшіне енгенге немесе уәкілетті органдар өзге де процестік шешім қабылдағанға дейін Қазақстан Республикасында уақытша болатын болып есептеледі. Қандастардың бір мезгілде Қазақстан Республикасында тұрақты тұруға рұқсат алуға және Қазақстан Республикасының азаматтығына оңайлатылған (тіркеу) тәртіппен қабылдауға құжаттар беруге құқығы бар. Ескерту. 4-бап жаңа редакцияда-ҚР 2007.01.12 N 227; өзгеріс енгізілді-ҚР 10.12.2013 № 153-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 24.11.2015 № 421-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі) заңдарымен 2019.12.27 № 292-VІ (қолданысқа енгізілу тәртібін 2-баптан қараңыз); 2020.05.13 № 327-VІ (қолданысқа енгізілу тәртібін 2-баптан қараңыз). 5-бап. Баспана беру Қазақстан Республикасы Адам құқықтарының бұзылуының құрбаны болған шетелдіктерге баспана беру құқығын береді. Саяси баспана беру туралы мәселені Қазақстан Республикасының Президенті шешеді. Ескерту. 5-бапқа өзгеріс енгізілді-ҚР 2007.01.12 № 227 Заңымен.
Дата публикации
04 ноября 2022