ҚМА су тасқынынан зардап шеккен өңірлерде бағаның өсуіне жол бермеуге ниетті

ҚР Қаржы мониторингі агенттігінің төрағасы Дмитрий Малахов еліміздің су басқан өңірлерінде азық-түлік, ауыз су, дәрілік заттар және басқа да қажетті заттардың бағасына мониторинг жүргізуді тапсырды.

"Бағаның өсуіне жол бермеуге ерекше назар аудару керек. Азық-түлік, ауыз су, дәрі-дәрмек және басқа да қажетті заттар құнының мониторингі бойынша жұмысты жалғастыруды тапсырамын", - деді Дмитрий Малахов.

ҚҚА басшысы құрылыс материалдарының бағасымен алыпсатарлық қаупін де жоққа шығарған жоқ.

"Әкімдіктерді бағаның негізсіз көтерілу белгілері туралы хабардар етіңіз және ықтимал манипуляцияларды болдырмау бойынша ұсыныстар енгізіңіз", ― деп тапсырды Дмитрий Малахов.