Эвакуациялық пункттеріндегі балалар оқу процесін жалғастыру үшін қашықтықтан оқыту форматына ауыстырылуда.
Эвакуация пункттеріндегі балалар мен олардың ата-аналары оқу-тәрбие үдерісін ұйымдастырумен, жазғы лагерьлерге, жатақханаларға, мектептер жанындағы интернаттарға орналастырылды. Балаларды сауықтыру орталықтарына 600 бала жолданды. 5-8 сынып оқушылары «Дарын», БИЛ, НЗМ мектеп-интернаттарына, жоғары сынып оқушылары (9-11 сыныптар) - колледждер мен ЖОО жатақханаларына орналастырылды.
Бұрын эвакуациялау пункттерінде болған 4,5 мыңнан астам бала тұру үшін жағдай жасалған нысандарға орналастырылды. Балалар мен олардың ата-аналарына арналған 8 мыңға жуық орын қоры дайындалды.
Ақтөбе және Атырау облыстарындағы барлық білім алушылар үшін ағымдағы бақылау (БЖБ және ТЖБ) алынып тасталды.
Ақмола, Қарағанды, Қостанай, Павлодар облыстарында, ШҚО, БҚО, СҚО және Абай облысында ағымдағы бақылауды (БЖБ және ТЖБ) алып тастау туралы шешім ішінара жағдайға сәйкес қабылданып жатыр.
Зардап шеккен өңірлердегі балалардың сауықтыру лагерлеріне тегін баруы ұйымдастырылды.
«Жалпы білім беру» қоры қаражатының есебінен балаларды қажетті заттармен (киім, аяқ киім, кеңсе керек-жарақтары) қамтамасыз ету жұмыстары жүргізілуде.